TƏDBİRLƏR

Bakıda oktyabrın 12-14 –də AICT2016 10-cu Beynəlxalq Konfransı keçiriləcək.

AICT2016 Beynəlxalq Konfransı İKT-nin təhsildə və təlimdə, elm və tədqiqatlarda, idarəetmədə, təhlükəsizlikdə, səhiyyə sistemində, dövlət strukturlarında, kommunikasiya və rabitə sahələrində yeni və keyfiyyətli tədqiqatlar aparan elm adamlarını bir araya gətirəcək.

Xeberler.az-ın məlumatına görə,  konfransın əsas məqsədi ümumi maraq və problemlər ətrafında birləşmiş, dünyanın müxtəlif guşələrindən olan elm adamları və mühəndisləri eyni coğrafi məkana toplamaqdır.

Bu konfrans adı çəkilən sahələrdə çalışan və ya təhsil alan insanlara öz elmi işlərini geniş auditoriyada təqdim etmək, geniş dairəli məsələlərin optimal həllərini tapmaq imkanı verən ən məşhur elmi konfranslardan biri olacaq.

AICT2016 konfransı Azərbaycan Respublikası Təhsil Nazirliyi, Azərbaycan Respublikası Rabitə və Yüksək Texnologiyalar Nazirliyi, Qafqaz Universiteti, Bakı Dövlət Universiteti, Lomonosov adına Moskva Dövlət Universiteti Bakı filialı, Azərbaycan Texniki Universiteti, AMEA İnformasiya Texnologiyaları İnstitutu, AMEA İdarəetmə Sistemləri İnstitutu, IEEE Azərbaycan şöbəsi və Elektrotexnika və Elektronika Mühəndislər İnstitutunun (ABŞ) texniki dəstəyi ilə keçirilir. Azərbaycan, Özbəkistan, Gürcüstan, Qazaxıstan və Rusiyada keçirilmiş konfransların uğurlarına əsaslanır.

Beynəlxalq Konfransın 10 illik yubileyi münasibətilə AICT2016 çərçivəsində bir sıra mühüm tədbirlərin həyata keçirilməsi nəzərdə tutulur.

AICT2016 Beynəlxalq Konfransının əsas mövzuları aşağıdakılardır:

-Böyük verilərin idarə edilməsi və tətbiqi

-Verilənlərin Emalı və Verilənlər Mühəndisliyi

-Kiber təhlükəsizlik problemləri

-İKT tətbiqində müasir nailiyyətlər

-Kommunikasiya, şəbəkə və avadanlıq

-Biznes, idarəetmə və iqtisadiyyatda İKT

-Dövlət xidmətlərində İKT

-Elm, təhsil, sosial və humanitar tədqiqatlarda İKT

-Tibb və səhiyyədə İKT

Daha ətraflı burada.

Xeberler.az