TEXNOLOGİYA

İnşaatda informasiya texnologiyaları və sistemlərinin tətbiqi imkanları və perspektivləri mövzusunda beynəlxalq elmi-praktik konfrans  keçirilir. Konfrans iyulun 5-də baş tutub və 2 gün davam edəcək. Qeyd edək ki, konfrans Azərbaycan Memarlıq və İnşaat Universitetinin (AzMİU), Azərbaycan Milli Elmlər Akademiyası (AMEA) İdarəetmə Sistemləri İnstitutunun birgə təşkilatçılığı keçirilir.

Xeberler.az bildirir ki, AzMİU-nun rektoru, professor Gülçöhrə Məmmədova konfransın mövzusunun aktuallığını qeyd edərək bildirilib ki, informasiya-kommunikasiya texnologiyaları (İKT) əsrində yaşadığımız bir zamanda bu cür konfransın keçirilməsi böyük əhəmiyyət daşıyır.

Rektor İKT-nin inşaata tətbiqinin bu sahə üzrə fəaliyyət göstərə şirkətlərinin işində yarada biləcəyi üstünlüklər, bu sektorun dövrün çağırışlarına operativ uyğunlaşması üçün yeni üsulların yaratdığı imkanlar və qeyd olunan texnologiyanın tətbiqi vasitəsilə rahatlıq, mobillik və operativliyin artırılması barədə məlumat verib:

"Bu gün inşaat sahəsində informasiya texnologiyalarının tətbiqi tikilən yeni binaların, şəhərcik komplekslərinin tikintisini insan əməyi olmadan mümkün edir."

Həmçinin konfransın plenar iclasında AMEA İdarəetmə Sistemləri İnstitutunun direktoru, AzMİU-nun informasiya texnologiyaları və sistemləri kafedrasının müdiri, akademik Telman Əliyevin, özbəkistanlı qonaq İbrahiməli Normatovun mövzu ilə bağlı məruzələri dinlənilib.

İki gün davam edəcək konfransda 110 məruzənin dinlənilməsi nəzərdə tutulub.