Azərbaycan Rabitə və İnformasiya Texnologiyaları Nazirliyinin Hüquq və Kadrlar Şöbəsinin müdiri Bəxtiyar Məmmədov 10-11 mart 2009-cu il tarixlərində Fransanın Strasburq şəhərinə “Kibercinayətkarlığa qarşı mübarizə sahəsində əməkdaşlıq” mövzusunda keçirilmiş beynəlxalq konfransda iştirak edib.
Hər bir ölkənin milli təhlükəsizliyinə xətər yetirə biləcək kibercinayətkarlığa qarşı mübarizə istiqamətində dünya miqyaslı tədbirlərin qəbul olunması məqsədi ilə təşkil olunmuş konfransda iştirakçılar tərəfindən kibercinayətkarlıqda innovasiya texnologiyalarının istifadəsinin üsul və metodları müzakirə olunub. Həmçinin bu cür cinayətlərin qarşısının alınması istiqamətində müxtəlif strategiyalar ətrafında fikir mübadilələri aparılıb.
Xüsusən burada Avropa polisinin zabitlərini kibercinayətkarlıqla mübarizə taktikalarına öyrədəcək universitetlər şəbəkəsinin yaradılmasına dair qərar qəbul olunub. Avropanın İT-şirkətləri də bu təşəbbüsə qoşulmağa hazır olduqlarını bildiriblər.
Bundan əlavə B. Məmmədov həmçinin bu günlərdə “Kibercinayətlər haqqında” Konvensiya Komitəsinin (T-CY) Strasburqda keçirilən iclasında iştirak edir. Tədbirdə son zamanlar artan kibercinayətkarlığa dair müzakirələr aparılır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları