Azərbaycan Texnoparklarının uğurları davam edir

14-08-2019 / 10:22

Xeberler.az bildirir ki, indiyə qədər sənaye parkları 1,5 milyard manatdan çox məhsul istehsal edib. Bunlardan 300 milyon manat dəyərində məhsul ixrac edilib. Sumqayıt Kimya Sənaye Parkından (SKSP) Trend-ə verilən məlumata görə, 2019-cu ilin birinci yarısında sənaye parklarında 300 milyon manatdan çox məhsul istehsal olunub ki, bunun da təxminən 50 faizi ixrac olunub. Bu günə qədər Azərbaycanın sənaye parklarına 3,3 milyard dollar sərmayə qoyulub.

SKSP-də qeyd olunub ki, ölkə innovativ və yüksək texnoloji rəqabətqabiliyyətli sənayenin, qeyri-neft sektorunun davamlı inkişafını, ölkənin yerli və xarici sərmayələrə çıxışını və istehsal sektorunda məşğulluğun artırılmasını təmin etmək üçün yaradılan sənaye parklarında uğurla işlərini davam etdirir. 2019-cu ilin birinci yarısında üç sənaye müəssisəsi istehsal fəaliyyətinə başlayıb, bunlardan ikisi - SOCAR Karbamid zavodu və yüksək sıxlıqlı polietilen istehsalı üçün SOCAR Polimer zavodu Sumqayıt Kimya Sənaye Parkında yerləşib. Pirallahı Sənaye Parkında "Diamed Co" şpris zavodu istifadəyə verilib. 2019-cu ilin ikinci yarısında Sumqayıt Kimya Sənaye Parkında daha iki müəssisənin - sənaye istifadəsi üçün torbalar və termoformasiya yolu ilə şüşə təbəqələr istehsalına başlamaq planlaşdırılır. Pirallahı Sənaye Parkında dərman istehsalı üçün Azərbaycan və Rusiyanın birgə müəssisəsinin yaradılması planlaşdırılır.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.