Azərbaycanda 20 min məktəbli kod yazmaq üçün yarışdı

26-12-2022 / 17:05
Elm və Təhsil Nazirliyi və Gənclər və İdman Nazirliyi Heydər Əliyev Mərkəzində “Kod saatı: rəqəmsal gələcəyə addım 2022-ci il” müsabiqəsinin yekun tədbirini təşkil edib.
 
Xeberler.az məlumat verir ki, 20 min IV-IX sinif şagirdi bu müsabiqədə iştirak edib, 300 şagird bu gün keçirilən finalda iştira edib.
 
"Kod saatı" hərəkatının əsas məqsədi proqramçı peşəsini məktəblilər arasında populyarlaşdırmaq, şagirdlərin və onların valideynlərinin diqqətini informasiya texnologiyaları ilə bağlı peşələrə cəlb etməkdir.
 
Qeyd edək ki, "Kod saatı" "Rəqəmsal bacarıqlar" Layihəsi çərçivəsində keçirilir. Bu layihə isə 5 ildir ki Rusiyanın "Alqoritmika" beynəlxalq təhsil şirkəti və Elm və Təhsil Nazirliyi tərəfindən həyata keçirilir.
 
Layihənin əsas məqsədi İnformatika fənninin tədrisinin təkmilləşdirilməsi və fənnin tədrisində yeni yanaşmanın tətbiqidir. “Rəqəmsal bacarıqlar” təmayüllü siniflərdə kodlaşdırma, “Smart city”, robototexnika, həmçinin “Scratch” və “Python” proqramlaşdırma dilləri üzrə dərin biliklərin aşılanması və praktik tətbiqi nəzərdə tutur.
 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə