TƏDBİRLƏR

Sentyabr ayının 10-dan 12-dək Heydər Əliyev adına İdman və Konsert kompleksində 3-cü Beynəlxalq Təhsil və Karyera sərgisi keçiriləcək.

“Təhsil və Karyera” sərgisi təhsilin bütün istiqamətlərinin kompleks şəkildə təqdim olunmasına yönəlmiş, kadrların hazırlıq səviyyəsinin yüksəldilməsinə yardım edən, habelə işəgötürənlər və təhsil müəssisələri arasında əməkdaşlığa imkan yaradan yeganə ixtisaslaşdırılmış tədbir sayılır. Bu ilki sərgidə iştirakçılar arasında İsveçrə, ABŞ, Türkiyə, Almaniya, İtaliya, Macarıstan, Böyük Britaniya, Çexiya, Rusiya və digər ölkələrin təşkilatları özəl təhsil ocaqlarını təqdim edəcək. Dövlət ali təhsil ocaqları Azərbaycan, Ukrayna, Belarus və Tatarıstan tərəfindən təqdim olunacaq. Sözügedən təhsil sahəsinin sektorun mütəxəssisləri özləri üçün maarifləndirici proqramlar və texniki təlim vasitələri sektorunda bir çox həll variantları tapacaqlar. Üç gün ərzində sərgi ərazisində müxtəlif təhsil proqramları, treninqlər, kursların təqdimat mərasimləri, həmçinin tələbə mübadiləsi sistemləri təqdim olunacaq. Bundan əlavə, sərgi meydançasında təhsil müəssisələrinin keyfiyyətli avadanlıqlar ilə təchiz edilməsi imkanları nümayiş etdiriləcək.

Bu il ilk dəfə olaraq Azərbaycan Respublikasının Gənclər və İdman Nazirliyi da sərgidə iştirak edərək qeyri-hökumət gənclər təşkilatları və hərəkatlarını təqdim edəcək. Sərgi ərazisində aparıcı mütəxəssislər tərəfindən “Təqdimat bacarıqları” mövzusunda (təqdimat və ya çıxışların hazırlanması və həyata keçirilməsi üsulları ilə tanışlıq üzrə), habelə karyeranın planlaşdırılması üzrə nəzəri biliklər və lazımı bacarıqlardan bəhs edən “Karyeranın planlaşdırılması” mövzusunda “master-klass”lar - təkmilləşdirmə seminarları keçiriləcəkdir. Bu proqram gənclərin sahib olduğu güclü və zəif cəhətlərin dəqiq və səmərəli qiymətləndirilməsini, həyat əhəmiyyətli məqsəd və prioritetlərin müəyyənləşdirilməsini, fərdi inkişaf və karyera qurma planının savadla işlənilib hazırlanmasını əhatə edir.

Azərbaycanda Uşaq ilinə həsr edilmiş tədbirlər planını gerçəkləşdirməklə, “Education & Career” sərgisinin təşkilatçıları sərgi çərçivəsində uşaq evləri və internatlar üçün kitabların toplanması üzrə “Kitab hədiyyə et!” adlı xeyriyyə aksiyasının keçirilməsini planlaşdırırlar. Demək olar ki, hər birimizin evində bizim ailəmizin rifahına xidmət göstərmiş kitablar var. Sərgiyə gələn ziyarətçilərə təklif olunur ki, bu kitabları uşaq evlərinə və internatlara ötürməklə həmin kitablara ikinci həyat bəxş etsinlər. “Iteca Caspian” şirkəti hamını “Kitab hədiyyə et!” aksiyasında iştirak etməklə uşaqların mütaliəsinə dəstək verməyə, qayğıkeşlik və insanpərvərlik kimi yüksək mənəvi keyfiyyətlər nümayiş etdirməyə dəvət edir. Uşaq evləri və internatlarda tərbiyə olunan uşaqlara kitab hədiyyə etmək arzusunda olan bütün şəxslər kitabları 10-12 sentyabr tarixlərində keçiriləcək Təhsil və Karyera sərgisində təşkilatçıların stendinə təqdim edə bilərlər.