TƏDBİRLƏR

Azercell sərgidə 3G və 4G sürət testlərini, habelə M2M (aparatlararası ünsiyyət və məlumat mübadiləsini təmin edən texnologiya), Mobil Virtual Kart, “Application store” və bir sıra digər xidmət və texnologiyaların demo-nümayişini təqdim edir. Məlum olduğu kimi, “Azercell” şirkəti gələn il Azərbaycanda keçiriləcək “Avroviziya-2012” mahnı müsabiqəsinin baş sponsordur və sərgiyə gələn ziyarətçilər interaktiv müsabiqələrdə iştirak etməklə bu mahnı müsabiqəsinə ilk biletləri qazana bilərlər.

“Azercell” şirkəti hər il “BakuTel” sərgisinin işində yaxından iştirak edir. Sərgi meydançası istehlakçılarla birbaşa əlaqə qurmaq üçün unikal imkandır və məhz burada şirkətin abunəçiləri və gələcəkdə şirkətin xidmətlərindən istifadə etmək istəyən potensial müştərilər şirkətin ən son yenilikləri və texnoloji nailiyyətləri ilə tanış ola bilərlər. Bu sərgi hər il müxtəlif şirkətləri ən yeni ixtiralar təklif etməyə stimullaşdırır və heç şübhəsiz ki, nəticədə bundan məhz istehlakçılar yararlanırlar.

Sözsüz ki, sərginin artımına və inkişafına təsir edən amillərdən biri də onun “Bakı Ekspo” mərkəzi kimi müasir sərgi kompleksində keçirilməsidir. “BakuTel” sərgisində bir çox tanış simalarla görüşmək mümkündür və bu, diqqətəlayiq məsələdir. Bir çox iştirakçılar sərginin onların sonrakı fəaliyyətinə müsbət təsirini müşahidə edir və yenidən, lakin bu dəfə “BakuTel” sərgisinin yüksək səviyyəsinə uyğun olmaq üçün daha hazırlıqlı şəkildə Bakıya qayıdırlar.