Azərbaycanda keçirilən ilk Foto və Sənət düşərgəsinə start verildi

27-08-2009 / 16:45

“İRƏLİ” İB mətbuat xidmətindən verilən məlumata əsasən, açılış mərasimi Oğuz rayonunda baş tutub.

Düşərgənin açılış mərasimində “İRƏLİ” İctimai Birliyinin sədri Ceyhun Osmanlı çıxış edib. O, bildirib ki, “Düşərgənin məqsədi sənət yönümlü kreativ gənclərə peşəkarkarlar tərəfindən təlimlərin keçirilməsi, gəncləri maraqlandıran layihələrin müəyyən olunaraq onların dəstəklənməsi üçün mexanizmlərin araşdırılması, kreativ gənclərin şəbəkəsinin yaradılması yolu ilə gələcəkdə sənət yönümlü layihələrin sayının artırılması, inkişaf edən Azərbaycanda sənət yönümlü kreativ gənclərin kreativ baxışları ilə yeni layihələrin reallaşmasıdır”.

Tədbirin ilk günü gənclərə “Foto sənətinin tarixi” mövzusunda mühazirə keçirilib, eyni zamanda peşəkar fotoqrafın riayət etməli olduğu texniki biliklər aşılanıb.Daha sonra gənclər qruplara bölünərək interaktiv təlimlərdə iştirak ediblər.

Qeyd edək ki, “İRƏLİ” İctimai Birliyi və “İStudio” bədii foto məktəbinin təşkilatçılığı ilə keçirilən düşərgə avqustun 29-na kimi davam edəcək.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.