RƏQƏMSAL DÜNYA

Azərbaycanın bir nömrəli wap layihəsi olan wap.xana.az satışa çıxarılıb.Bu haqda məlumatı xeberler.az-a layihənin rəhbəri Rəşad Əliyev verib.Onun sözlərinə görə wap.xana.az saytı Azərbaycanın Wap bazarında liderdir ve bu liderliyini hər zaman qoruyub saxlayıb. Ancaq saytı bu səviyyəyə çatdıran kollektiv bu layihə ile paralel başqa layihələr üzərində də çalışaraq daha böyük və gəlirli layihə qurmaq fikrindədir. Vaxt azlığı ucbatından sayta lazımi qədər nəzarət etmək olmur.

Layihə rəhbərinin sözlərinə görə onların belə bir qərara gəlməsinə digər bir səbəb isə yerli mobil operatorların bəzilərinin bu layihəyə biganə münasibətidir.Bunun nəticəsində sayt rəhbərliyi Azərbaycanın Wap bazarında qalıb işləmək qərarından vaz keçmək niyyətindədir.

Saytın satışa çıxarılması ilə bağlı ətraflı məlumatı burdan əldə edə bilərsiz: http://wap.xana.az/satilir.php?act=read&vt=h

Qeyd edək ki, wap.xana.az layihəsi 2005-ci ildən öz fəaliyyətinə başlayıb. Sayt yarandığı gündən öz yenilikləri, özəllikləri ilə istifadəçilərin diqqətini və marağını cəlb edib. Sayt təkcə Azərbaycanda deyil,bütün dünyada tanınır.Məhz bunun nəticəsində sayt 15 dilə tərcümə olunub.Hazırda sayt istifadəçilərinin cəmi 30%-i Azərbaycandan, qalan 70%-i isə xarici ölkələrdəndir.