"Azərsu" ASC "e-su.az" portalını istifadəyə verib

24-09-2020 / 12:56

"Azərsu" ASC "e-su.az" portalını istifadəyə verib.

Xeberler.az bildirir ki, portal vasitəsilə su istehlakçıları öz şəxsi kabineti sayəsində apardığı bütün əməliyyatları barədə məlumat ala biləcək.

Saytın təqdimatı mərasimində ASC-nin elektron xidmətlər və müasir texnologiyaların departamentinin rəisi Emil Əhmədov qeyd edib ki, istənilən vətəndaş portalda qeydiyyatdan keçərək özünə aid olan və əlavə olaraq 5 abonent kodunu da əlavə edə bilər. Bu abonent kodları üzərindən aparılan bütün əməliyyatlara nəzarət etmək mümkündür.

"Hazırda sistem özündə 8 elektron xidməti cəmləyib. İlin sonuna müəssisənin göstərdiyi digər e-xidmətlər də portala inteqrasiya olunacaq", - deyə E. Əhmədov qeyd edib.

O həmçinin əlavə edib ki, portal tam proaktivdir və elektron xidmətlərə müraciətlərlə yanaşı, qəzalarla bağlı müxtəlif bildirişləri göndərilməsi, o cümlədən abonentlərə göndərilən hesab-fakturaların da birbaşa olaraq portalda əks olunur.

"Portal "ASAN login"lə inteqrasiya olunub, yəni təhlükəsiz giriş təmin edilib və sentyabr ayından etibarən "myGov" hökumət portalına da inteqrasiyası həyata keçirilib. Portalın mobil tətbiqinin yaradılması üzərində işlər aparılır ki, onun da istifadəyə verilməsi gələn ilə nəzərdə tutulur", - deyə E. Əhmədov əlavə edib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.