Almaniyanın ictimai nəqliyyatında Bakı 2015 Avropa Oyunlarına həsr olunmuş videoçarx nümayiş etdirilir.
Xeberler.az-ın Trend-ə istinadən verdiyi məlumata görə, bu gündən etibarən Almaniyanın Drezden şəhərinin ictimai nəqliyyatında Bakı 2015 I Avropa Oyunlarının açılışı ilə əlaqədar olaraq beynəlxalq idman yarışına həsr olunmuş videoçarxın nümayişinə başlanılıb.
Drezden Alm.Az Cəmiyyəti tərəfindən həyata keçirilən aksiya çərçivəsində videoçarx şəhərdaxili və şəhərətrafı istiqamətdə çalışan bütün növ sərnişin nəqliyyatında (ümumilikdə 117 nəqliyyat vasitəsində) quraşdırılmış monitorlarda göstərilir.
30 saniyəlik videoçarxda Azərbaycanın bayrağı, Bakının simvolu olan Qız qalası, həmçinin paytaxtın görməli yerlərinin fotoları və Avropa Oyunları haqqında qısa məlumat öz əksini tapıb.
Videoçarx 3 gün ərzində 15 dəqiqə fasilə ilə Drezden sakinlərinə və şəhərə gələn qonaqlara təqdim olunacaq. Bu müddət ərzində I Avropa Oyunlarına həsr olunmuş videoçarxın 550 min sərnişinin izləyəcəyi gözlənilir.
Bundan başqa, Drezden Alm.Az Cəmiyyəti şəhərin mərkəzində yerli ictimaiyyətin və digər xaqların təmsilçilərinin iştirakı ilə Bakı 2015 I Avropa Oyunlarına həsr olunan daha bir tədbir keçirəcək.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları