Twitter-də Oyunlara dəstək olanlar mükafatlandırılıb

12-06-2015 / 15:37

İyunun 12-də Azərbaycan Respublikası Gənclər Təşkilatları Milli Şurasının (ARGTMŞ) ofisində təşkilat tərəfindən “Bakı-2015” birinci Avropa Oyunlarına dəstək olaraq “twitter”də həyata keçirilən kampaniyanın mükafatlandırma mərasimi keçirilib.

Xəbərlər-in Azərtac-a istinadən verdiyi məlumata görə, “Creatweet” (“creative” – yaradıcı, “tweet” – tvit, “yaradıcı cavab”) adlı kampaniyanın mükafatlandırma mərasimində gənclər və idman nazirinin müavini İntiqam Babayev, nazirliyin gənclər təşkilatları ilə iş sektorunun müdiri Fuad Babayev, Azərbaycan Respublikası Gənclər Təşkilatları Milli Şurasının sədri Şahin Seyidzadə ARGTMŞ-ın üzvü olan gənclər təşkilatlarının rəhbər və nümayəndələri, kampaniyanın iştirakçıları və mətbuat nümayəndələri iştirak ediblər.

ARGTMŞ-ın sədri Şahin Seyidzadə çıxış edərək deyib ki, təşkilat tərəfindən irəli sürülən təşəbbüs “twitter”də Şuranın üzvü olan gənclər təşkilatlarının #Baku2015 haşteqi vasitəsi ilə Avropa Oyunlarına dəstəyini nümayiş etdirməkdən ibarətdir. Kampaniya çərçivəsində həyata keçirilən fəaliyyəti iştirakçıların diqqətinə çatdıran Ş.Seyidzadə bildirib ki, Avropa Oyunları ərəfəsində kampaniyanın iştirakçısı olan 43 nəfər tərəfindən #Baku2015 haşteqi ilə 46 min 653 tvit yazılıb. Kampaniya çərçivəsində yazılan tvitlər son 1 ayda bütün dünya üzrə #Baku2015 haşteqi ilə yazılan tvitlərin 34,74 faizini təşkil edib.

Gənclər və idman nazirinin müavini İntiqam Babayev ARGTMŞ tərəfindən irəli sürülən təşəbbüsü yüksək qiymətləndirib. O, sosial şəbəkələr və onların alətlərindən istifadənin vacibliyini vurğulayıb. Nazir müavini, həmçinin Azərbaycanın Avropa Oyunlarına yüksək səviyyədə ev sahibliyi etməyə hazır olduğunu bildirib və gənclər təşkilatlarını sosial şəbəkələrdə Avropa Oyunlarının timsalında Azərbaycanı təbliğ etməyə çağırıb.

Sonra rəsmilər tərəfindən kampaniyanın yüksək nəticə göstərmiş iştirakçılarının mükafatlandırılma mərasimi həyata keçirilib. Kampaniya iştirakçıları Aytac Hüseynli həvəsləndirici, Yalçın Abbasov 3-cü, Minacət Əliyeva 2-ci və Kənan Məmmədov 1-ci yerə layiq görülüb.

Qeyd edək ki, “Bakı 2015” birinci Avropa Oyunlarına onlayn dəstək məqsədi daşıyan kampaniya çərçivəsində ARGTMŞ-ın üzvü olan gənclər təşkilatlarının rəhbər və fəalları tərəfindən “twitter” sosial şəbəkəsində sözügedən mövzuda twittlər yazılıb. Kampaniyanın sonunda trend olan, maraq doğuran “twitter”lər yazan iştirakçılar arasında qaliblər və fəallar müəyyən olunub.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə