“Bakı Taksi” avtomobilləri GPS qurğularla təmin edib

16-02-2015 / 16:00

Bakı şəhərində yeni müştəri xidmətləri sistemi istifadəyə verilib. Xəbərlər "Bakı Taksi" MMC-yə istinadən məlumat verir ki, quruma aid bütün avtomobilləri yerin təyin olunması üçün GPS qurğularla təmin edilib və onun köməkliyi ilə sistem avtomatik şəkildə sifariş olunan ünvana ən yaxın taksini sifarişin icrasına yönəldir.

Şirkətdən bildirilib ki, sifarişlər operatorlar tərəfindən qəbul olunur, müştərinin ünvanı tam dəqiqləşdirilir və yaxın olan sürücüyə onun yerləşdiyi məkan haqqında informasiya çatdırılır: "Bütün bunlar yeni tətbiq olunan proqram təminatının köməkliyi ilə həyata keçirilir. Nəticədə, müştəri ilə sürücünün ünsiyyəti minimuma endirilib. Müştərilər artıq Bakı şəhərinin hüdüdlarında istədikləri telefondan *9000 yığaraq taksi sifariş edə bilərlər".

Qeyd edək ki, stasionar telefon nömrələrindən zənglər ödənişsizdir. Müştəri Xidmətləri Mərkəzi 7/24 rejimində fəaliyyət göstərir. Bu avtomobillər 2011-ci il iyunun 13-dən Bakıda taksi kimi fəaliyyətə başlayıb. (Report.az)


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.