RƏQƏMSAL DÜNYA

Məlumat verdiyimiz kimi, bir müddət əvvəl Bakıda BakuBus şirkətinə məxsus yeni avtobuslar fəaliyyətə başladı.

Yeni avtobusların gəlişi ilə  qeyd edildi ki, avtobuslarda  Wi-Fi  xidməti də aktiv olacaq və xidmətdən sərnişinlər faydalana biləcək.

Xatırladaq ki, I Avropa Oyunları zamanı da bu məsələ aktual idi ki,  avtobuslarda  internetə  daxil olmaq mümkün olacaq.

Amma müşahidələrimiz göstərdi ki, həmin vaxt  xidmətdən istifadə mümkün olmadı.

Belə ki, avtobuslarda Wi-Fi xidməti aktiv deyildi.

Son günlərdə də BakuBus  sərnişinləri yenidən məsələni gündəmə gətirərərək, problemlə bağlı etirazlarını bildirir.

BakuBus sərnişinlər qeyd edir ki,  avtobusda Wi-Fi  xidmətinin olduğu göstəriləsə də,  internetə daxil olmaq mümkün deyil.

Məsələ ilə bağlı BakuBus MMC-nin  mətbuat katibi Nuridə Allahyarovaya  Xeberler.az-a bildirib ki, həqiqətən də  avtobuslarda  Wi-Fi işləmir.

 Hazırda  bu sistemin qurulması istiqamətində işlər davam etdiyini  deyən Nuridə  Allahyarovaya buna görə  xidmətin aktiv olmadığını bildirib. 

O qeyd edib ki,  sistemin qurulması başa çatdıqdan sonra bütün avtobuslarda ödənişsiz,  hər kəsə açıq  Wi-Fi  xidməti  olacaq.

Qurum rəsmisinin sözlərinə görə, xidmətdən istifadə gələn il əlçatımlı olacaq.

Məltəm Talıbzadə