E - HÖKUMƏT

Məlumat verdiyimiz kimi, Bakı Dəmiryol Vağzalında onlayn bilet satışı sistemində problemlər  var.

Belə ki, istifadəçilər Dəmiryol Vağzalından onlayn bilet əldə edə bilmirlər.

Bir müddət əvvəl məsələ ilə bağlı "Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədov Xeberler.az-a bildirmişdi ki, onlayn satış bileti ilə bağlı problem yeni tərtib olunan proqramla əlaqəlidir.

O qeyd etmişdi ki, bu istiqamətdə işlər davam edir və dekabrın 9-dan sonra istifadəçilər xidmətdən istifadə edə biləcək.

Lakin hələ də məsələ ilə bağlı problem həllini tapmayıb.

Bununla bağlı növbəti dəfə qurumla əlaqə saxlayıb, işlərin nə yerdə olması  ilə maraqlandıq.

Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədov Xeberler.az-a  bildirib ki, sistemə çox yüklənmə olduğu üçün  belə problem yaranıb və hazırda sistem yeni, daha sürətli proqram təminatı ilə hazırlanır.

Onun sözlərinə görə, bu problem istiqamətində fəaliyyətlər gələn il yekunlaşacaq:

 “Hələlik proqramçılar bu məsələ üzərində işləyirlər. Ola bilər ki, problem deyilən vaxtdan daha tez həll olunsun.  Amma biz düşünürük ki, il artıq bitir və gələn il  yeni proqram istifadəyə veriləcək. Bundan sonra istifadəçilər xidmətdən yararlana biləcək”.

Məltəm Talıbzadə