TƏDBİRLƏR

Məlumdur ki, regionun ən böyük tədbirlərindən biri olan Bakutel  sərgisi 20 ildən artıqdır ki, hər il telekommunikasiya bazarının aparıcı iştirakçılarını Azərbaycanda bir araya toplayır.

Qeyd edək ki, Bakutel  hər il Rabitə və Yüksək Texnologiyalar Nazirliyinin (RYTN) dəstəyi və təşkilatçılığı ilə  keçirilir. 

Xəbər verdiyimiz kimi, ölkəmiz bu il  dekabrın 2-5-də Bakıda keçiriləcək  Bakutel 21-ci beynəlxalq sərgi-konfransına hazırlaşır.

Bu istiqamətdə görülən işlərlə bağlı Xeberler.az-da mütəmadi məlumatlar yayımlanır.

Hazırda sərgiyə hazırlıqlar davam edir. Artıq bir neçə   xarici ölkə də sərgidə iştirakını təsdiqləyib. Ümumiyyətlə, bu il  sərgidə 200-dən artıq  şirkətin iştirakı  gözlənilir.

Lakin son vaxtlarda RYTN ətrafında baş verən hadisələr sərgi ilə bağlı ictimaiyyətdə müəyyən naratlıqlar yaradıb.

Bir çox İT şirkətlər maraqlanırlar ki, məlum səbəblərdən  sərgi ləğv edilə və ya  vaxtı dəyişdirilə  bilərmi?

Xeberler.az olaraq bizə ünvlanan bu  narahatlıqları nəzərə alaraq   sərginin keçirilməsinə məsul qurumlarala  məsələni dəqiqləşdirməyə çalışıb.

Bakutel sərgisininin təşkilat işlərini həyata keçirən İteca şirkətindən Xeberler.az-a bildirilib ki, hazırda sərgi ilə bağlı hazırlıqlar davam edir, sərginin təxirə salınması və vaxtının dəyişdirilməsi gözlənilmir.

Rabitə və Yüksək Texnologiyalar Nazirliyindən məsələ ilə bağlı Xeberler.az-a bildirilib ki, Bakutel  bu il də  keçiriləcək.  Bildirilib ki, tədbirin əsasən sərgi ilə bağlı hissəsi təşkil ediləcək və bununla bağlı hər hansı problem yoxdur.

Qeyd edək ki, sərgi-konfrans çərçivəsində RYTN tərəfindən bəzi  ikitərəfli görüşlər, icaslar, qısa konfransların da keçirilməsi nəzərdə tutulurdu.

Bununla bağlı isə Nazirlikdən bildirilib ki, sərgi çərçivəsində keçirilməsi nəzərdə tutulan bəzi konfranslar və forumların təxirə salınacağı da istisna olunmur.

Sərginin ləğvi ilə bağlı fikirləri şərh edən Azərbaycan İnternet Forumunun prezidenti Osman  Gündüz deyib ki, bu tip sərgilər ölkənin tanıdılması, ölkə İKT sektorunun uğurlarını təqdim etmə baxımından , eyni zamanda İT sahəsində fəaliyyət göstərən şirkətlərin beynəlxalq  şirkətlərlə işbirliyi qurub əməkdaşlıq yaratması üçün  yaxşı bir vasitədir:

"Sərgilər yalnız hansısa məhsulların təqdimatından ibarət deyil, sərgi keçirilən ərəfədə böyük toplantılar, qarşılıqlı müzakirə forumları, işgüzar görüşlər  və bizim üçün əhəmiyyət kəsb edən tədbirlər də təşkil olunur".

Osman  Gündüz deyib ki,  artıq ölkədə Bakutel 2015 sərgisi ilə bağlı  xeyli hazırlıqlar görülüb:

"Tədbirin təşlikatçısı İteca şirkəti olsa da , bu  cür böyük fomatlı tədbirin keçirilməsində hər il RYTN yaxından iştirak edib və əslində elə RYTN-nın dəstəyi ilə bu tədbir müəyyən qədər canlı olurdu".

Onun sözlərinə görə, Bakutel-in ləğv edilməsi indiki məqamda  düzgün olmazdı:

“Əksinə Azərbaycan çalışmaldır ki, bu imkandan  daha çox faydalansın. Belə ki, sərgidə şirkətlər öz məhsullarını və xidmətlərini  təqdim etsinlər, xarici şirkətlərlə  əməkdaşlığı möhkəmləndirməyə cəhd etsinlər, keçirilən toplantılarda, forumlarda  və tədbirlərdə aktiv iştirak estinlər”.

Osman Gündüz onu da diqqətə çatdırıb ki,  bu formatda  sərgilərin  gələcəkdə hər il yox, bir neçə ildən bir keçirilməsini yenidən nəzərdən keçirmək lazımdır.

Məltəm Talıbzadə