Bakı Dövlət Universitetinin (BDU) Fizika fakültəsinin təqdim etdiyi layihə Elm və Təhsil Nazirliyinin Yüksək Texnologiyalar Parkının təşəbbüsü, Təhsilin İnkişafı Fondu və SABAH.HUB İnnovasiya Mərkəzinin tərəfdaşlığı ilə keçirilən “Texnologiyaların transferi” proqramının qalibi olub.
Xeberler.az məlumat verir ki, layihə fiberoptik rabitə texnologiyalarında istifadə üçün yüksəktezlikli fotodetektorların hazırlanmasına yönəlib. Layihənin müəllifləri Fizika fakültəsinin Yarımkeçiricilər fizikası kafedrasının professoru Əli Hüseynov, həmin kafedranın müəllimi Fidan Əhmədova və doktorantı Lamiyə Balayevadır.
Layihənin əsas məqsədi müasir fiberoptik rabitəli informasiya texnologiyalarında istifadə olunan ifrat yüksək tezlikli, sadə quruluşlu və yüksək effektivlikli fotodetektorların hazırlanmasından ibarətdir.
Bu tədqiqatın nəticələri yalnız elmi yenilik deyil, həm də praktiki tətbiq və patentləşdirmə potensialı baxımından böyük əhəmiyyət daşıyır. Layihə müddətində yeni yarımkeçirici materiallar əsasında hazırlanmış fotorezistorların kommersiyalaşdırılması və müasir optoelektronika sahəsində geniş tətbiqi planlaşdırılır.
Proqrama ümumilikdə 76 layihə təqdim edilib. Onlardan 5-i uğur qazanıb. BDU tədqiqatçılarının layihəsi bu beşlikdə yer alıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları