Beynəlxalq poçt göndərişlərini qəbul etməyən ölkələr açıqlanıb

31-05-2020 / 21:23

Qlobal pandemiya (COVID-19) səbəbindən xarici ölkələrdən poçt göndərişlərini qəbul etməyən ölkələr açıqlanıb.

Xeberler.az Regional Rabitə Birliyinə istinadən bildirir ki, siyahıda 18 ölkənin adı çəkilir. Onların sırasına Küveyt, Liviya, Peru, Tunis, Maldiv adaları, Pasxa adası (Çili), Ekvador, Mavritaniya, Cənubi Afrika, Honduras, Samoa, Çad, Boliviya, Malavi, Toqo, Kuba, Dominikan Respublikası və Türkmənistan daxildir.

Qeyd edək ki, Azərbaycanın beynəlxalq poçt göndərişlərinin qəbulunu bərpa etdiyi ölkələrin sayı 40-a çatıb. Hazırda ölkənin poçt şöbələrində Almaniya, Amerika Birləşmiş Ştatları, Avstriya, Belçika, Böyük Britaniya, Bolqarıstan, Çexiya, Çin, Danimarka, Fransa, Finlandiya, Honkonq, Gürcüstan, Estoniya, Xorvatiya, İsrail, İsveç, İsveçrə, İtaliya, İspaniya, Koreya, Qazaxıstan, Qırğızıstan, Latviya, Litva, Macarıstan, Niderland, Norveç, Polşa, Portuqaliya, Rumıniya, Rusiya, Serbiya, Sinqapur, Slovakiya, Sloveniya, Tailand, Türkiyə, Ukrayna və Yaponiyaya beynəlxalq poçt göndərişlərinin qəbulu aparılır. Digər ölkələrə də göndərişlərin həyata keçirilməsi üçün danışıqlar davam etdirilir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə