Çin oyun konsollarının satışına icazə verəcək

27-07-2015 / 10:38

Çin hakimiyyəti videooyunlar üçün konsolların istehsalı və satışına qoyulan qadağanı ləğv edəcək.

Xəbərlər-in RYTN-nin rəsmi saytına istinadən verdiyi məlumata görə, yeni qaydalar həm yerli, həm də xarici şirkətlərə şamil olunacaq.

Bildirilir ki, hökumətin bu addımı ABŞ-ın Microsoft və Yaponiyanın Sony, Nintendo kimi istehsalçılarına məhsullarını (müvafiq olaraq Xbox, PlayStation və Wii) onlar üçün ən perspektivli bazarlardan birində satmağa imkan verəcək. 

Əvvəllər xarici oyun konsolu istehsalçılarına yalnız Şanxay azad ticarət zonasında fəaliyyət göstərməyə icazə verilib və bununla əlaqədar Çin bazarında kompüter və mobil oyunlar yayılmağa başlayıb.  

Çində oyun konsollarının satışına məhdudiyyət hökumətin onların ölkə ərazisində yayılmasını qadağan etdiyi 2000-ci ildən tətbiq edilib. Qərar oyun konsollarının Çin gənclərinə mənfi təsir göstərməsi ilə izah edilib.

Newzoo BV analitik şirkətinin məlumatına görə, Çinin oyun bazarı, o cümlədən mobil oyunlar və konsolların satışı bu ilin sonunadək 22,2 milyard dollara çatacaq. Artımın 2014-cü illə müqayisədə 23 faiz təşkil edəcəyi bildirilir.

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.