Smartfonlar bazarının artımı zəifləyib

21-08-2015 / 10:49

Cari ilin ikinci rübündə dünyada smartfonların son istehlakçılara satışı 330 milyon ədəd təşkil edib.

Xəbərlər-in RYTN-in rəsmi saytına istinadən verdiyi məlumata görə, 2014-cü ilin analoji dövrü ilə müqayisədə satış artımı 13,5 faizədək azalıb ki, bu da 2013-cü ildən ən aşağı göstəricidir. Bu barədə Gartner analitik şirkətinin hesabatında deyilir.  

Bildirilir ki, azalma dünyanın ən böyük bazarı olan Çinin smartfon bazarının (Çin bazarının dünyada smartfonların satışında payı 30 faizə yaxındır) tələbatının ödənilməsi ilə əlaqədardır. Hesabat dövründə Çində smartfonların satışı ilin ilə nisbətində 4 faiz azalıb ki, bu da ilk dəfə baş verib.

Smartfonlar bazarının lideri Samsung şirkəti olaraq qalır. 2015-ci ilin ikinci rübündə Cənubi Koreya şirkəti ədədi ifadədə satışını 5,3 faiz, payını isə 4,3 faiz bənd azaldıb. Çinin Huawei şirkəti dünya bazarında smartfonların və Çində 4G şəbəkəsini dəstəkləyən modellərin yüksək satışı sayəsində yüksək artım nümayiş etdirib. Apple şirkətinin ədədi ifadədə artımı 36 faiz təşkil edib. Analitiklər qeyd ediblər ki, iPhone modelinə marağın böyük olması Samsung şirkətinin satışına mənfi təsir göstərib.   

Əməliyyat sistemləri arasında Android liderliyini davam etdirsə də, hesabat dövründə platforma indiyədək ən zəif artım (11 faiz) nümayiş etdirib. Analitiklər bunu da Android-in əsas hərəkətverici qüvvəsi kimi çıxış edən Çin bazarının tələbatının ödənilməsi ilə izah edirlər. Rübün nəticələri üzrə mobil əməliyyat sisteminin payı 2014-cü ilin analoji dövründəki 83,8 faizlik göstəricidən 82,3 faizədək aşağı düşüb.

Öz növbəsində Apple iOS platformasını payını 12,2 faizdən 14,6 faizədək artırıb.

Gartner satış həcminin ədədi ifadəsinə əsaslanaraq bütün tip iri mobil telefon istehsalçılarının onluğunu da tərtib edib. Bu ilin ikinci rübünün yekunları üzrə birinci yeri Samsung şirkəti tutmaqda davam edib. Sonrakı yerlərdə Apple, Microsoft, Huawei, LG Electronics, Lenovo, Xiaomi, TCL Communication, ZTE və Micromax şirkətləri qərarlaşıb.

2015-ci ilin ikinci rübündə dünya bazarında ümumilikdə 445,8 milyon bütün tip mobil telefon satılıb ki, bu da ötən ilin analoji dövrünün nəticələrinə uyğundur.

 

Xeberler.az 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə