E - HÖKUMƏT

Bir müddət öncə məlumat verilmişdi ki, Dövlət İmtahan Mərkəzinin yeni rəsmi saytı, eləcə də Facebook səhifəsi istifadəyə veriləcək. Bununla yanaşı, hər iki qurumun fəaliyyəti barədə bütün keçidlərin saytda və səhifədə yerləşdiriləcəyi qeyd edilmişdi.

Qurumun ilkin versiyada saytı artıq istifadəyə verilib.

Qeyd edilmişdi ki, Dövlət İmtahan Mərkəzi (DİM) dövlət qeydiyyatına alınandan sonra bu xidmətlərin göstərilməsi qanunvericiliyə uyğun olaraq Mərkəz tərəfindən davam etdiriləcək, TQDK və DQMK-nın internet səhifələri fəaliyyətlərini dayandıracaq və hazırkı saytda DİM-in fəaliyyətinə aid olan bütün məlumatlar əks olunacaq.

Bu məlumatın üstündən bir müddət keçsə də,  hələ də bu istiqamətdə hər hansı irəliləyiş nəzərə çarpmır.

Xeberler.az olaraq məsələ ilə maraqlandıq.

DİM-in mətbuat xidmətindən Xeberler.az-a verilən məlumata görə, qurumun ilkin versiyada təqdim edilən dim.gov.az saytının yaradılması istiqamətində işlər davam etdirilir.

Qeyd edilib ki, hələ DİM Ədliyyə Nazirliyində rəsmi qeydiyyatdan keçməyib. Ona görə də də saytların tam fəaliyyətə başlaması da gecikir. 

Yəni, belə deyək, hələlik bütün işlər TQDK-nın sistemi üzərindən davam etdirilir.

Məlumata görə, DİM hələ yaradılmayıb. Yəni, TQDK hələ ləğv edilməyib.

Ədliyyə Nazirliyi DİM-i rəsmi qeydiyyata aldıqdan sonra TQDK ləğv olunacaq və DİM yaradılacaq. DİM qeydiyyata alınmadığı üçün nəzərdə tutulan yeniliklər təqdim edilməyib.

Məlumata görə, hazırda qəbul imtahanları və dövlət qulluğuna qəbulla bağlı məlumatlar, müvafiq olaraq, TQDK-nın və DQMK-nın saytlarında təqdim olunur:

“Hazırda saytlara məlumatların daxil edilməsi üzərində işlər davam edir. Məlumatların sayta daxil edilməsinin yekunlaşması haqda  konkret  tarix  deyə bilmərik. Hazırda sənədlərin, strukturun bir-birinə uyğunlaşdırılması davam edir. İki qurum ləğv olduqdan sonra DİM yaranacaq. Ondan sonra bu istiqamətdə görülən işlər barədə məlumat veriləcək”.

Qeyd edək ki, bununla bağlı qurum 3 domeni- dim.gov.az, dovletimtahanmerkezi.com və  imtahanmerkezi.com -u satın alıb.

Məlumata görə, sayt ən müasir standartlara cavab verəcək.

Qeyd edilmişdi ki, bununla yanaşı, saytın mobil tətbiqlərinin hazırlanması da nəzərdə tutulub.

Qurumun mətbuat xidmətindən bildirilib ki, ilkin versiyada yalnız saytların yaradılması nəzərdə tutulub.

Məltəm Talıbzadə