Növbəti qrant müsabiqəsi elan olunacaq

18-03-2015 / 17:20

Yaxın iki ay müddətində Rabitə və Yüksək Texnologiyalar nazirliyi yanında İT-in İnkişafı Dövlət Fondu  IKT layihələrin və startapların maliyyələşməsi ilə bağlı yeni qrant müsabiqəsi elan edəcək.

İT-in İnkişafı Dövlət Fondunun layihələr üzrə iş sektorunun müdiri Əkbər Abbasov Xəbərlər-ə bildirib ki, növbəti müsabiqə  ilə bağlı məsələlər yaxın vaxtlarda  Müşahidə Şurasında  müzakirə olunacaq.  

Onun sözlərinə görə, müsabiqənin əsas istiqaməti  Şuranın iclasından sonra tam bəlli olacaq.

Əkbər Abbasov İnformasiya Texnologiyalarının İnkişafı Dövlət Fondunun keçirdiyi  əvvəlki qrant müsabiqəsində  qalib gələn layihələrin vəsaitlərinin ödənilməsi məsələsinə də münasibət bildirib.

 O qeyd edib ki,  ötən müsabiqədə qalib layihələrin vəsaitlərini indiyədək əldə edə bilməmələri  qrantlarla bağlı qanunun  hüquqi tərəfləri  ilə bağlıdır və Fond qrant layihələri ilə bağlı Qaydaların təsdiqlənməsini gözləyir:

"Bildiyiniz kimi qanunvericilik hər zaman təkmilləşdirilir. Yeni qanunlar və qərarlar qəbul olunur. Bir müddət öncə Prezident İlham Əliyev tərəfindən təsdiq olunmuş Qrant haqqında qanuna edilmiş dəyişikliklərə əsasən, qrant verən qurumların siyahısı təsdiq edilməli və qrantların qeydiyyat qaydaları müəyyənləşməlidir. Əvvəllər xüsusi qaydalar yox idi. Lakin indi vahid forma müəyyənləşir. Qaydalar təsdiq edildikdən sonra qrant müqavilələri müvafiq icra hakimiyyəti orqani tərəfindən qeydiyyata alınacaq və vəsaitlər layihə rəhbərlərinin hesablarına köçürüləcək".

 Azərbaycan İnternet Forumunun rəhbəri, RYT Nazirliyi yanında İT-in İnkişafı Dövlət Fondunun Müşahidə Şurasının üzvü Osman Gündüz məsələ ilə bağlı bildirmişdi ki, müqavilələrin qeydiyyatı ilə bağlı qanunvericiliyə uyğun olaraq müvafiq qaydalar hazırlanmalıdır.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə