Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) “Pan Finance” beynəlxalq maliyyə və biznes analizi platformasının (Birləşmiş Krallıq) “Pan Finance Awards 2025” beynəlxalq müsabiqəsində iki kateqoriya üzrə qaliblər sırasına daxil edilib.
Xeberler.az bildirir ki, fond müsabiqənin “Avrasiya regionu üzrə 2025-ci ilin Pensiya Xidmətləri İnnovatoru” ali mükafatına və Avrasiya regionu üzrə Sosial İnklüzivlik və Rəqəmsal Rifah sahəsində Mükəmməllik Mükafatına layiq görülüb.
Müsabiqədə DSMF ilə yanaşı, ABŞ, İsveçrə, Braziliya, Səudiyyə Ərəbistanı, BƏƏ, Birləşmiş Krallıq və digər ölkələri təmsil edən sığorta və investisiya qurumları, pensiya fondları iştirak edib.
Dünya üzrə 150 ölkədən 200 mindən çox izləyiciyə malik qlobal maliyyə və analitik təhlil platforması olan “Pan Finance” platforması Avropa, Yaxın Şərq, Afrika, Latın Amerikası, Şimali Amerika və Asiya regionları üzrə geniş şəbəkədə fəaliyyət göstərir. Bu platforma maliyyə institutları, investorlar və dövlət qurumları üçün qlobal bazarlar üzrə aydın və dolğun informasiya təmin etməklə yanaşı, xüsusi analitik hesabatların hazırlanması və maliyyə dünyasındakı yeniliklərin təşviqi ilə məşğuldur.
Bu mükafatlarla DSMF 2021-ci ildən ötən dövrdə 66, o cümlədən bu il 12 beynəlxalq mükafat qazanıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları