E-Hökumət portalına 763 min daxilolma qeydə alınıb

09-06-2015 / 11:39

Bu ilin may ayında elektron hökumət (e-Hökumət) portalına ümumilikdə 763 408 daxilolma qeydə alınıb, müraciət edənlərin ümumi sayı isə 277 065 nəfər olub.

Xeberler.az-ın məlumatına görə, bu barədə elektron hökumət portalının növbəti aylıq bülletenində məlumat verilib.

Həmin şəxslər 2 266 032 dəfə müxtəlif səhifələrə keçid və 1 467 127 xidmətə müraciət ediblər. Bütün bu işlər üçün isə ortalama 4 dəqiqə 27 saniyə vaxt sərf olunub. Müraciət edənlərin 23,7%-i yeni, 76,3%-i isə təkrar müraciət edən istifadəçilər olub.

Bülletendə 2012-ci ilin dekabrından 2015-ci ilin mayın 31-nə qədər daxil olan istifadəçilər haqqında da məlumat yer alıb. Hesabata görə, qeyd edilən dövr ərzində 6 655 140 dəfə portala daxilolma qeydə alınıb. Müraciət edənlərin ümumi sayı isə 1 891 533 nəfər olub ki, onlar da 11 629 805 elektron xidmətlərə müraciət ediblər. Həmin şəxslər ortalama 5 dəqiqə 39 saniyə vaxt sərf etməklə 23 800 474 dəfə müxtəlif səhifələrə keçid ediblər. Bu dövr ərzində portala müraciət edənlərin 28,5%-ni yeni, 71,5%-ni isə təkrar müraciət edənlər təşkil edib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə