Əmək müqaviləsi bildirişini elektron alanların sayı açıqlandı

27-10-2017 / 11:35

Əmək və Əhalinin Sosial Müdafiəsi Nazirliyinin Əmək Müqaviləsi Bildirişi üzrə Elektron İnformasiya Sisteminə 9 885 100 dəfə müraciət edilib.

Nazirliyin İctimaiyyətlə əlaqələr şöbəsindən Xeberler.az-a verilə məlumata görə, ümumilikdə ötən dövrdə “Elektron hökumət” portalına ümumi müraciətlərin (56 463 000 müraciət) 17,5 faizi məhz həmin sistemin payına düşüb.

Yeri gəlmişkən, Əmək və Əhalinin Sosial Müdafiəsi Nazirliyinin “Elektron hökumət” portalı üzərindən ümumilikdə 30-a yaxın e-xidməti əhalinin istifadəsindədir və cari ilin 9 ayı ərzində portala edilən müraciətlərin (17 555 749 müraciət) 40 faizə yaxını (7 006 756 müraciət) nazirliyin e-xidmətlərinə yönəlib.

Cari ildə portalda  e-xidmətlərindən ən çox istifadə olunan qurum da Əmək və Əhalinin Sosial Müdafiəsi Nazirliyi olub.

İndiyədək Əmək Müqaviləsi Bildirişi üzrə Elektron İnformasiya Sisteminə müraciətlərin 7 957 200-ü Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə aid olub.

Geniş istifadə olunan e-xidmətlər sırasında olan bu e-xidmətə ötən dövrdə 1 219 300 müraciət qeydə alınıb.

Elektron arayış sisteminə daxil olan e-xidmətlər üzrə ümumi müraciətlərin demək olar ki, yarısı, yəni 708 600 müraciət məhz həmin e-xidmətə yönəlib.

Əmək Müqaviləsi Bildirişi üzrə Elektron İnformasiya Sistemi cari ilin iyun ayında BMT-nin ixtisaslaşdırılmış qurumu olan Beynəlxalq Telekommunikasiya İttifaqının (BTİ) “Çempion layihə” mükafatına layiq görülüb.

Bununla da həmin sistem 193 ölkəni, 700-ə yaxın texnoloji şirkəti əhatə edən BTİ tərəfindən İKT-nin tətbiqi üzrə Azərbaycana ilk mükafatı qazandırıb.

Günel

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.