Əmək və Əhalinin Sosial Müdafiəsi Nazirliyinin “e-sosial” internet portalının aktiv istifadəçi sayı artıq 153,6 minə çatıb, portala baxış sayı isə 1 milyon 904 mindir.
Xeberler.az bildirir ki, portal hər bir vətəndaşa onlarla bağlı sosial məlumatlara (eləcə də pensiya, müavinət, təqaüd, əlillik təyinatı, müxtəlif sosial təminatlar və s. barədə) real vaxt rejimində çıxış və dövlət sosial xidmətlərindən çevik rejimdə yararlanmaq imkanı verir.
İstənilən şəxs portalda sosial hüquqlarının təminatına (o cümlədən, işlədiyi halda onunla bağlı sosial ayırmaların həyata keçirilməsinə, pensiya kapitalının toplanmasına və s.) nəzarət edə, “e-Xidmətlər” bölməsində təqdim edilən xidmətlərdən, geniş əhatəliliyə malik e-arayış xidmətlərindən yararlana bilir. Burada işəgötürənlərə yeni iş yerləri, vakansiyalar barədə məlumatlarını təqdim etmələrinə də imkan yaradılıb, son vaxtlarda daha bir istiqamət kimi övladlığagötürmə xidmətləri də daxil edilib.
“E-sosial” internet portalından rahat istifadə və portalın daha əlçatan olması məqsədilə “Android” əməliyyat sistemi və “İOS” platforması üçün tətbiqləri də fəaliyyət göstərir. Portalın “Android” tətbiqindən istifadəçi sayı artıq 14200-ə, “İOS” tətbiqindən istifadəçi sayı isə 1000-ə yaxındır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri