Görünür ki, Ermənistanda artıq hərbi-siyasi rəhbərlikdən hesabat tələb etməyə başlayıblar.
Ermənistan Müdafiə Nazirliyinin nümayəndəsi Arsun Ovanesyan Newsarmenia saytına açıqlamasında erməni ekspertlərinin ittihamlarına cavab verib.
O, ekspertlərin nə üçün erməni ordusunda qabaqlayıcı tədbirlər görülmədiyi, ordunun modernləşməsi sahəsində zamanında nə üçün ciddi addımlar atılmadığı ilə bağlı ittihamlarına cavab olaraq bildirib ki, bütün bunlar böyük pullar tələb edirdi. Hansı ki, Ermənistanıda bu imkanların məhdud olduğunu bildirib.
O, erməni ekspertlərə Azərbaycan və Ermənistan büdcələrini müqayisə etməyi tövsiyyə edib. Erməni ordusunu qeyri-peşəkar və zəif hesab edən erməni ekspertlərini diletant adlandırıb.
Ovanesyanın açıqlamasında anlaşlmayan odur ki, əgər məğlubiyyətin səbəbi büdcə ilə bağlıdırsa görəsən bu müqayisəni zamanında aparmaq doğru olmazdımı ?
Ümid edirəm bu sualları da erməni hərbi-siyasi rəhbərliyə verənlər tapılacaq. Bununla belə, Ovanesyan açıqlamasında son bir neçə ildə müasir və texnoloji adlandırdığı Su-30SM, ZRK-Osa, TOR, İqla-C, Vebra kimi silahlar aldıqlarını da ekspertlərin diqqətinə çatdırıb.
Hansı ki, döyüşlərin, hərbi əməliyyatların nəticəsi göstərdi ki, onların müasir adlandırdıqları bu silahlar hərbiçilərimizin peşəkarlığı və qəhrəmanlığı, həmçinin də bizim ordumuzun silahlarının daha müasir olması ilə darmadağın edilib.
Belə görünür ki, Ovanesyan açıqlamasında məğlubiyyətin səbəblərini ekonomik yöndə izah etməyə çalışıb.
Hansı ki, müharibə göstərdi ki, bu, ermənilərin məğlubiyyətinin səbəblərindən yalnız birisidir. Amma görünən odur ki, erməni hərbi rəhbərliyi Azərbaycan hərbi komandanlığının müharibədə planladığı strategiya qarşısında, əsgər və zabitlərimizn şücaəti və peşəkarlığı qarşısında məğlub olublar.
Onlar, ordumuzun daha texnoloji və müasirliyi qarşısında, xalqın orduya dəstəyi və Ali Baş Komandan ətrafında yumruq kimi birləşməsi qarşısında, diplomatiya və informasiya cəbhəsinə aparılan peşəkar mübarizə qarşısnda məğlub olublar".
Azərbaycan İnternet Formunun Prezidenti Osman Gündüz
