Ekspert: Ermənistan İT sahəsinin inkişafına külli miqdarda vəsait ayırıb

17-02-2021 / 15:08
"Bir müddət vardı ki, Ermənistanın İT sahəsinə göz gəzdirmirdim. Bu gün erməni internet resurslarında rast gəldiyimi paylaşıram ki, İT sahəsi üzrə qərar qəbul edənlərimiz nəzərə alsınlar ki, məğlub ölkə yatmayıb və toparlanmağa çalışır:
 
1. 17-18 fevral tarixdə İrəvanda İranın Yüksək texnologiyalar və startaplarla əlaqəli sərgisi keçiriləcək. Sərgi İranın bu ölkəyə səfər edən dövlət və biznes sektoru nümayəndələrinin səfəri çərçivəsində təşkil olunacaq.
 
2. Erməni startaplarının 2020-ci ildə xeyli investisiya cəlb etdiyi bildirilir. 2020-ci ildə 192 startap qeydiyyatdan keçib.
 
3. “Digitown IT” beynəlxalq innovasiya mərkəzinin qurulmasına 40 mln $ investisiya yatırılacaq. 5 min iş yeri yaratmaq nəzərdə tuturlar.
 
4. İrəvan ətrafında 21 mln. $ investisya yartırmaqla “Mühəndis şəhərciyi” qururlar. Məqsəd yüksək texnoloji məhsulların ixracıdır. Vəsaitin 50% -ni Dünya Bankı verəcək.
 
5. 2021-2025-ci illər üçün “Rəqəmsal Ermənistan” proqramı hazırlayırlar.
 
6. Rusiya ilə münasibətləri yaxşılaşdırmağa çalışırlar. Əvvəllər ölkədən qovduqları Rusiya TV kanallarının (birisi ölkə üzə, digər ikisi İrəvan şəhəri üzrə) müsabiqədən kənar yayımına icazə verilib.
 
7. Gələn ay, 25 -27 mart tarixdə Ermənistan Yüksək Texnologiylar sənayesi nazirliyi və Dövlət hərbi-sənaye Komitəsi silah və müdafiə texnologiyalarına həsr olunan “ArmHiTec-2021” sərgisini təşkil etməyi planlayırlar.
 
Təəccüblənməmək mümkün deyil. Bütün hərbi arsenalı Vətən müharibəsi zamanı ordumuz tərəfindən darmadağın edildiyi bir halda nə göstərəcəkləri çox maraqlıdır.
 
Mən də təklif edərdim ki, hökumətimiz, bizim Müdafiə Nazirliyi məhz həmin günlərdə Ermənisatn ordusundan ələ keçirdiyimiz bütün silahlara kütləvi baxış təşkil etsin. Biz də burada onların vurulmuş və ələ keçirdiyimiz silah və texnikalarının sərgisini təşkil edək".
 
Azərbaycan İnternet Formunun Prezidenti Osman Gündüz

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.