Ekspert: İran Ermənistanda dron istehsalı zavodu aça bilərmi?

13-09-2022 / 15:40

Azərbaycanın erməni təxribatlarına qarşı cavab tədbirləri başlayan anda, heç bir aidiyyatı olmadığı halda İran Xarici İşlər Nazirliyinin sözçüsü Nasir Kənani Tehranın Azərbaycan və Ermənistan arasında gərginlikdən narahat olduğunu deyərək “sərhədlərin dəyişdirilməsinin əleyhinə olduqlarını” bildirib.

Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.

“Tacikistanda hərbi dronların istehsalı üzrə zavod quran İran bunu Ermənistanda da gerçəkləşdirə bilərmi?

İran rəsmiləri Ermənistanla sinxron formada fəaliyyət göstərir.

İran mediası da guya Azərbaycanın hücum etdiyini açıqlamaqla Ermənistanla müttəfiq olduqlarını bir daha göstərdilər.

Ümumiyyətlə, erməni mediasından görmək olar ki, İkinci Qarabağ müharibəsindən sonra Ermənistan və İran arasında əlaqəlar, birgə toplantılar, birgə görüşlər, inteqrasiyalar hədsiz güclənib. Ermənistan texnologiyalar və innovasiyalar sahəsində də İranla tam işbirliyindədir. İran bu ölkədə bir neçə texnoloji mərkəzlər açıb. Ötən ay İranda Rusiya, Belarus həm də Ermənistanın iştirakı ilə dron üzrə hərbi təlimlər, yarışlar keçirilib. Cari ilin may ayında isə İran Tacikistanda hərbi dronlar istehsal edən müəssisənin açılışını edib.

Maraqlıdır ki , bu gün Ermənistan baş naziri Paşinyan parlamentdə çıxış edərkən yeni hərbi texnikaların alınmasından danışıb. İstisna etmirəm ki, İran da Rusiyanın etdiyi kimi pulsuz və güzəştli silah və hərbi texnikanı , hərbi texnologiyaları Ermənistana verməkdə maraqlıdır. Yəni, Qafanda konsulluq açan İran, İrəvanda dron zavodu açmaqdan da çəkinməz.

Son zamanlar hər iki ölkə arasındakı texnoloji iş birliklərinin güclənməsi düşünmək üçün əsas verir ki, Ermənistan öz ərazisində silah istehsalı, xüsusən dron istehsalında İran texnologiyalarından istifadəyə ciddi maraq göstərir.

Xatırlayıram ki, İkinci Qarabağ müharibəsi zamanı İran ərazisindən Ermənistana silah daşınmasını əks etdirən videomateriallar yayılmışdı. Rusiya da İran üzərindən Ermənistana silah göndərirdi.

Beləliklə, indiki durumda, İranın tələm-tələsik "qırmızı xətt" açıqlaması verməsindən görünür ki, Azərbaycanın öz suverenliyini və ərazi bütövlüyünü tam bərpa etməsi və sərhədləri möhkəmləndirməsi onları qane etmir”.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.