Bu gün minlərlə vətəndaşımız "Qarabağ" Futbol Klubunun bilet satışını həvalə etdiyi iTicket şirkətinin saytından elektron bilet əldə etməkdə çətinlik çəkib. Sistem çöküb, xeyli sayda vətəndaş ödəniş etsə də bilet əldə edə bilməyib.
Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz Feysbuk səhifəsində paylaşım edib.
"Quruma məxsus informasiya sisteminin funksionallığının pozulması ilə cəmiyyətin və vətəndaşların maraqlarına yetərincə ziyan vurulub .Zaman-zaman bu tip problemlər müşahidə olunur.Qarabağ FK məşhurlaşdıqca problem daha da dərinləşə bilər.
Bununla da kibertəhlükəsizliklə bağlı yeni formalaşmış normalara görə ölkədəki bütün kütləvi tədbirlərin bilet satışı təchizatçısı olan iTicket şirkətinin iticket.az resursu kritik informasiya infrastrukturu obyekti olaraq qəbul edilə bilər.Belə olarsa artıq onun təhlükəsizliyi ilə bağlı müstəvi dəyişmiş olacaq, ona qarşı yeni təhlükəsizlik tələbləri irəli sürüləcək .
