Dövlət resursları ilə bağlı problem həll olundu - Daha çökməyəcək

19-04-2021 / 13:34

Xəbər verirldiyi kimi bu gün Prezident “Kritik informasiya infrastrukturunun təhlükəsizliyinin təmin edilməsi sahəsində bəzi tədbirlər haqqında” Fərman imzalayıb.

Xeberler.az bildirir ki, məsələni şərh edən Azərbaycan İnternet Forumunun prezidenti Osman Gündüz uzun müddətdən bəri bu sahədə ciddi problemin olduğunu qeyd edib:

“Prezidentin bu fərmanı ilə böyük büdcə vəsaitləri xərcləməklə hazırlanan dövlət resurslarının bir anda çökməsinin qarşısı alınacaq.

Dəfələrlə şahidi olmuşuq ki, müxtəlif dövlət qurumlarına məxsus, külli miqdarda büdcə vəsaiti hesabına hazırlanan dövlət məlumat bazaları və informasiya sistemləri bir anda çökür və qarşıya qoyulan vəzifələri yerinə yetirə bilmirdi.

Sözügedən fərmana görə artıq dövlətin, cəmiyyətin və vətəndaşların maraqları baxımından vacib hesab edilən məsələlərin həlli məqsədilə yaradılan dövlət resurslarının siyahısı müəyyən olunacaq və onlara qarşı sərt tələblər hazırlanacaq.

Güman etmək olar ki, indiyədk mövcud olan sistemlər DTX və ya Xüsusi Rabitə və İnformasiya Təhlükəsizliyi Dövlət Xidməti tərəfindən audit olunaraq icrasi məcburi olan tələblər irəli sürüləcək. Yeni yaradılmalı olan dövlət informasiya sistemləri isə qabaqcadan bəlli qaydalara əməl etməli olacaqlar”.

Ekspert xatırladıb ki, indiyədək strateji dövlət resurslarının auditi məsələsi könüllü idi:

“Fərmanın icrasına nəzarəti, zəruri tənzimləyici sənədlərin, o cümlədən kritik informasiya infrastrukturuna hansı dövlət qurumlarının informasiya resurslarının daxil ediləcəyini Dövlət Təhlükəsizliyi Xidməti və Xüsusi Rabitə və İnformasiya Təhlükəsizliyi Dövlət Xidməti müəyyən edəcək”.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.