"Artıq uşaq bağçalarının fəaliyyəti bərpa olunub. Düşündüm ki, məktəbəqədər təhsil müəssisələrinin işləmədiyi müddətdə bəlkə də Bakı Şəhər İcra Hakimiyyəti bağçalara qəbul üçün elektron bir sistem hazırlaya bilib".
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz uşaq bağçalarının fəaliyyətinin bərpa olunması barədə danışarkən deyib:
"Xatıralyıram ki, iki-üç il öncə , 2018-ci ildə dövlətə məxsus bağçaların tabe olduğu BŞİH rəsmisi uşaq bağçalarına qəbulun elektronlaşacağını bildirmişdi.
O da yadımdadır ki, “Açıq hökumətin təşviqi üzrə” Milli Fəaliyyət Proqramı müzakirə olunarkən Təhsil Nazirliyin məsul nümayəndəsi BŞİH-in nümayəndəsinə bildirdi ki, artıq Təhsil Nazirliyində də 1-ci siniflərə və məktəbə hazırlığa qəbulla bağlı oxşar informasiya sistemi qurulub və onlar bunu quruma təqdim edə bilərlər".
Ekspertin sözlərinə görə, BŞİH-in rəsmi saytından (əgər rəsmi sayt demək mümkünsə), dövlət bağçalarının siyahılarından belə qənaətə gəlmək olur ki, hələlik bağçalara qəbulvelektronlaşmayıb və ənənəvi qaydada aparılır.
"Bakı şəhərində 350-dək, ölkə üzrə 1600 dövlət tabeçiliyndə məktəbəqədər təhsil müəssisi fəaliyyət gösdtərir.
Maraqlıdır ki, adi bir informasiya sistemi tətbiq etməklə on minlərlə vətəndaşa, xeyli sayda ailələrə rahatlıq vermək olardı, korrupsiya risklərini sıfra endirmək olardı, rüşvət üçün imkanlar məhdudlaşdırılardı. Təəssüf ki, qərar qəbul edənlər hələlik susurlar.
O da maraqlıdır ki, elektron qəbul prosesini tənzimləyən təkmil bir oxşar dövlət informasiya resursu olduğu bir zamanda onun, digər bir dövlət qurumunda tətbiqi ilə bağlı, eGov sahəsində əlaqələndirici qurum olan VXSİ Dövlət Agentliyinin eGov Mərkəzi, daha yuxarı qurumlar da təşəbbüs göstərmirlər.
Mövcud qanunvericiliyə görə məktəbəqədər təhsil müəssisəsində yalnız boş yer olmadığı halda, uşaqların müəssisəyə qəbul edilməsindən imtina oluna bilər.
Amma bağçada boş yerin olmadığını bilmək üçün vətəndaşa heç bir imkan yaradılmayıb.
Vətəndaş bağça rəhbərliyinin adi bir sözünə inanmağa məcburdur. Amma sonradan məlum olur ki, kimlərsə müxtəlif yollarla uşaqlarını bağçaya qəbul elətdirə bilirlər.
Beləliklə, mövcud qanunvericilik korrupsiya riskləri yaradır, ictimai nəzarət imkanlarını məhdudlaşdırır, dövlət nəzarətini isə indiki halda effektiv formada reallaşdırmaq mümkün deyil. Belə olan halda problemin həllinin iki yolu var.
Əgər bağçaların tabeçiliyi Təhsil Nazirliyinə verilərdisə, hansı ki, bu doğru addım olardı və dəfələrlə bu haqda təkliflər irəli sürülüb, Təhsil Nazirliyi özünün hazır elektron resursları vasitsilə çox qısa zamanda bu problemi həll edə bilərdi.
İkinci yol isə qanunvericiliyi dəyişməkdir".
Son olaraq Osman Gündüz bildirib ki, aidiyyatı qurumlar, VXSİ Dövlət Agentliyinin eGov Mərkəzi “Məktəbəqədər təhsil müəssisələrinə qəbul QAYDASI” haqında Nazirlər Kabinetinin 2018-ci il 19 yanvar tarixli 16 nömrəli qərarında “qəbulun elektron qaydada” aparılması ilə bağlı düzəliş təklifi etməklə bu problemi bir anda həll edə bilər.
