Ekspert: Təhsil qurumlarının eGov-a inteqrasiyası başa çatmayıb

10-08-2019 / 12:55

Xeberler.az bildirir ki, yaxın günlərdə Ali təhsil müəssisələrinə qəbulla bağlı qeydiyyat mərhələsi başa çatıb. Günümüzdə Ali təhsil müəssisələrinə qəbul prosesi, ölkədə bu sektorda elektron hökumət quruculuğunun hansı səviyyədə olmasını müəyyən etməyə imkan verir. Bəs hal-hazırda  təhsil sistemində eGov hansı səviyyədədir ?

Bu barədə Azərbaycan İnternet Formunun Prezidenti, ekspert Osman Gündüz açıqlama verib:

"Dövlət İmtahan Mərkəzi (DİM) qəbul prosesi ilə əlaqəli çox sayda xidmətləri elektronlaşdırıb. Bu qurumda diqqət çəkən məqam həm də ondan ibarətdir ki DİM əsasən öz mütəxəssislərinin hazırladığı rəqəmsal resurslardan istifadəyə üstünlük verir. Təhsil Nazirliyində isə son dövrlərdə bu istiqamətdə bir xeyli irəliləyişlər olsa da bütövlükdə təhsil sektorunda elektronlaşma səviyyəsini yetərli hesab etmək olmaz". 

Ekspert ali təhsil müəssisələrinə qeydiyyatla bağlı bir çox məsələyə də diqqət yetirib:

"Ali məktəblərə qəbuldan dərhal sonra bütün ali təhsil müəssisələri qeydiyyatdan keçmək üçün bir xeyli kağız sənədlər tələb edir :
- DİM-in müsabiqə nəticələri haqqında çap edilmiş vərəqi (DİM-in saytından çap edilir).
- Attestat və ya təhsilin əvvəlki mərhələsini bitirdiyi barədə sənədin əsli.
- Şəxsiyyət vəsiqəsinin əsli və surəti 
- Çağırış məntəqəsinə təhkim edilmə haqqında şəhadətnamənin əsli və surəti (oğlanlar üçün).
- İş nömrəsini və Şəxsi kabinetinin istifadəçi adını (FİN) və s. Son zamanlar Prezident tərəfindən qəbul edilən bir sıra sənədlərdə dövlət informasiya sistemində vətəndaşa məxsus olan məlumatın yalnız bir dəfə qeyd edilməsi nəzərdə tutulur. Digər qurumlar məlumatı məhz həmin qurumun informasiya sistemindən əldə etməlidirlər. Hazırda isə göründüyü kimi təhsli müəssisələri digər dövlət qurumalrında olan məlumatları yenidən kağız formada tələb edirlər. Bu isə doğru hal deyil, həm də onun göstəricisidir ki , qurumlar arasında inteqrasiya yoxdur və təhsil müəssisələrinin elektronlaşma səviyyəsi çox aşağıdır".

Son olaraq Osman Gündüz DİM və Təhsil Nazirliyinin myGov-a inteqrasiyası haqqında məlumat verib:

"DİM və Təhsil Nazirliyinin myGov-a inteqrasiyası yoxdur. Yaxşı olardı ki, abituriyentlər nəticələrini elə myGov-dakı şəxsi kabinetlərindən əldə edə bilsinlər. Əslində myGov fəlsəfəsi də elə bunu tələb edir. Hazırda isə ali məktəbə qəbul olunanlar nəticələrini DİM saytından öyrənməyə üstünlük verirlər. DİM isə nəticələri qanunvericilikdə nəzərdə tutulduğu qaydada İnternetdə ( öz saytında -pulsuz) və həm də SMS məlumatlandırma (pullu) ilə çatdırır. SMS məlumatlandırma üçün DİM nəticələri adətən öz saytına qoymazdan qısa müddət öncədən mobil operatorlara ötürür. İstənilən halda düşünürəm ki, məlumatların eyni anda həm İnternetdə, həm SMS vasitəsilə, həm də myGov vasitəsilə açıqlamaq doğru olardı. 50 min vətəndaşın myGov-da qeydiyyatı və ondan istifadəyə başlaması gələcəkdə dolayısıyla ölkədə eGov-un inkişafina xeyli təkan verə bilər".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.