Ekspert: Uşaq bağçalarına elektron qəbul məsələsi öz həllini tapmayıb

11-03-2020 / 10:45

“10 mart tarixindən etibarən ölkənin bütün ümumi təhsil müəssisələrinin I siniflərinə elektron formada şagird qəbulu başlanıb. Qəbul www.mektebeqebul.edu.az sistemi vasitəsilə həyata keçirilir. Bu sistemdə elektron qeydiyyatdan keçərək şəxsi kabinet yaradanlar arzuladıqları məktəbləri seçə bilirlər. Valideynləri maraqlandıran bütün sualların cavabları adı çəkilən internet resursda yerləşdirilib”. 

Xeberler.az bildirir ki, bu barədə Azərbaycan İnternet Forumunun prezidenti Osman Gündüz deyib.

O. Gündüz nəzərə çatdırıb ki, indiyədək bu sistemlə qəbul yalnız Bakı şəhərində və bir sıra bölgələrdə pilot qaydada həyata keçirilirdi: “Təhsil Nazirliyinin bu elektron xidməti kifayət qədər təkmilləşdirilib və 2020-ci ildən başlayaraq bütün ölkə miqyasında tətbiqi üçün şərait yaradılıb”.

Osman Gündüz düşünür ki, qəbulun bu formada həyata keçirilməsi neqativ halların qarşısının alınması, şəffaflığın təmin olunması və yeni texnologiyaların tədris prosesinin idarə olunmasında tətbiqi baxımından olduqca uğurlu bir addımdır: “Məktəbəhazırlıq qruplarına qəbul da bu sistem üzərindən elektron qaydada həyata keçirilir”

“Elektron qaydada qəbul prosesindən istifadə edə bilməyənlər Təhsil Şöbələrində yaradılan Alternativ Qəbul Mərkəzərinə müraciət edə bilərlər”-deyə ekspert əlavə edib.

Osman Gündüz diqqətə çatdırıb ki, fiber-optik bağlantısı olmayan 1000-dən çox məktəb mobil texnologiyalardan istifadə etməklə (Bakcell) internet bağlantısı yaradıb.

O. Gündüz onu da vurğulayıb ki, uşaq bağçalarına elektron qəbul məsələsi hələ də öz həllini tapmayıb: “Təhsil Nazirliyi öz sistemini bağçaların tabe olduğu Bakı Şəhər İcra Hakimiyyətinə təqdim edə biləcəyini bildirsə də, Bakı Şəhər İcra Hakimiyyəti bildiyim qədər uşaq bağçalarına elektron qəbul sisteminin yenidən hazırlanması üçün sifariş verib. Hələlik bu sistemdən xəbər yoxdur”.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.