Ötən gün Prezident rabitə və yüksək texnologiyalar sahəsində idarəetmənin təkmilləşdirilməsi haqqında 2018-ci il 12 yanvar tarixli 1785 nömrəli Fərmanına dəyişikliklə bağlı yeni Fərman imzalayıb.
Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz öz "Facebook" səhifəsində paylaşım edib.
"Nazirliyin Əsasnaməsində "birinci müavin" vəzifəsi ləğv edilib və nazirin 5 müavini vəzifəsi təsdiqlənib.
Ötən gün Prezident üç nazir müavinin təsdiqi haqqında sərəncam da imzalayıb:
Prezident İlham Əliyevin sərəncamları ilə Fərid Əhmədov, Samir Məmmədov və Cavid Qurbanov rəqəmsal inkişaf və nəqliyyat nazirinin yeni müavinləri təyin ediliblər.
İndiyədək digər nazir müavinləri isə Əli Abdullayev (birinci müavin), Rəhman Hümmətov və Rövşən Rüstəmov olub.
Nazirliyin saytında isə görünür ki, Əli Abdullayev hələ də birinci müavindir.
Hansı ki, Prezidentin ötən günkü fərmanı ilə bu vəzifə ləğv edilib.
Güman ki, məhz bununla bağlı, bəzi məlumatlarda nazirin 6 müavini olması vurğulanır.
Beləliklə, Prezidentin ötən gün imzaladığı fərmana görə nazir Rəşad Nəbiyevin 5 müavini var. Daha doğrusu, 5 müavini olmalıdır.
Amma Nazirliyin bu günə rəsmi saytında olan məlumata görə 6 müavini var.
Ümid edirəm, səlahiyyətli şəxslər bu məsələyə aydınlıq gətirərlər."
Ekspertin sözlərinə görə paylaşımdan bir müddət sonra Nazirliyin rəsmi saytında müvafiq düzəlişlər edilib.
"Rəsmi saytdan görünür ki, Prezidentin son sərəncamlarına uyğun olaraq nazirin 5 müavini rəhbərlikdə təmsil olunur.
Belə anlamaq olar ki, "birinci müavin" vəzifəsi ləğv olunduğundan artıq Əli Abdullayev nazirin birinci müavini vəzifəsində çalışmır."
