"Elektron-hökumət" üzrə Təlim Mərkəzinin yaradılması başa çatmaq üzrədir.

28-08-2014 / 10:38
Koreya Beynəlxalq Əməkdaşlıq Agentliyinin (KOICA) Azərbaycanda həyata keçirdiyi “Elektron hökumət” üzrə Təlim Mərkəzinin yaradılması layihəsi çərçivəsində işlər yekun mərhələsindədir.
Rabitə və Yüksək Texnologiyalar Nazirliyindən AzərTAc-a bildirilib ki, koreyalı mütəxəssislər tərəfindən hazırda Bakı şəhəri ilə yanaşı, Naxçıvan, Gəncə, Sumqayıt, Mingəçevir, Bərdə, Qazax, Zaqatala, Lənkəran, İmişli, Qəbələ, Göyçay, Şirvan, Qusar, Şamaxı və Şəkidə telekommunikasiya qovşaqlarının binasında Təlim mərkəzlərinin yaradılması üçün avadanlıq qurulur. Eyni zamanda, mərkəzlərdə çalışacaq mütəxəssislərin zəruri bilik və bacarıqlarının artırılması işləri də həyata keçirilir.
Azərbaycanda “Elektron hökumət” üzrə Təlim Mərkəzinin yaradılması layihəsi ilə bağlı Koreya Respublikasının Xarici İşlər Nazirliyi və Azərbaycan Respublikasının Rabitə və Yüksək Texnologiyalar Nazirliyi arasındakı qrant razılaşması ötən il imzalanıb. KOICA tərəfindən həyata keçirilən layihənin dəyəri 3,7 milyon ABŞ dollarıdır. (AzərTAc)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.