Azərbaycan şirkəti Tanzaniyada keçirilən texnoloji tenderdə iştirak edir

06-04-2014 / 18:31

 Azərbaycanın “Sinam” şirkəti Tanzaniya Respublikasının Gəlirlər üzrə Səlahiyyətli Dövlət Orqanının “İnteqrasiya olunmuş daxili gəlirlərin idarə olunması sisteminin təchizatı və tətbiqi” üzrə açıq tenderində iştirak edir. 

Şirkətdən AzərTAc-a bildirmişlər ki, tenderin tələblərinə görə, Tanzaniyada 5 milyondan 15 milyonadək vergi ödəyicisinə (müştəriyə) xidmət göstərən və 50-dən yuxarı vergi növünü dəstəkləyən informasiya sistemi qurulmalıdır.Tenderdə dünyanın müxtəlif ölkələrindən, ümumilikdə, 8 şirkət iştirak edir. Hazırda təqdim olunan təkliflər qiymətləndirmə mərhələsindədir. Tenderin nəticələri 2 ay müddətində məlum olacaqdır.

 “Sinam” şirkəti tenderdə özünün tam funksional “İnteqrasiya olunmuş verginin idarə olunması sistemi” adlanan həlli ilə iştirak edir.Bu sistem artıq Qırğızıstanda Asiya İnkişaf Bankının layihəsi çərçivəsində müvəffəqiyyətlə tətbiq olunmuş və beynəlxalq ekspertlərin müsbət rəyini qazanmışdır.

“Sinam” şirkəti Azərbaycanda elektron hökumət həllərinin tətbiqində böyük təcrübə qazanmışdır və artıq bir neçə ildir ki, ölkədə iqtisadi siyasətinin prioritetlərinə uyğun olaraq, xarici bazarlara yüksək texnologiyaların ixracına başlamışdır.Afrika qitəsində yerləşən ölkələrin informasiya texnologiyaları sahəsində indiki durumunu nəzərə alsaq, gözləmək olar ki, təcrübəli Azərbaycan şirkəti bu regionun bir sıra ölkələrində elektron hökumət üzrə davamlı tərəfdaş ola bilər. 

Afrika ölkələri hazırda dünyanın aparıcı informasiya texnologiyaları şirkətlərinin diqqət mərkəzindədir və regiona çıxış yüksək rəqabətliliyi ilə seçilir . (AzərTAc)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.