Elektron informasiya təhlükəsizliyi ilə bağlı təlimlər başlayıb

21-01-2016 / 16:11

 Bu gün Azərbaycan Milli Elmlər Akademiyasının Mərkəzi Elmi Kitabxanasında “İnformasiya təhlükəsizliyi kontekstində elektron təhlükəsizlik” mövzusunda təlimlərə başlanıb.

AMEA-dan Xeberler.az-a verilən məlumata görə, üç gün davam edəcək təlimin təşkilində məqsəd elektron informasiya təhlükəsizliyinin təmin edilməsi istiqamətində gənclərin hazırlığının artırılması, məlumatların mühafizəsi üsulları, sosial mediadan düzgün istifadə qaydalarının aşılanması və bu sahədə maarifləndirmə işinin aparılmasıdır.

Tədbirdə MEK-in direktoru tibb üzrə fəlsəfə doktoru Leyla İmanova təlimin əhəmiyyətindən danışıb, gənclərin informasiya təhlükəsizliyi sahəsində bilik və bacarıqlarını artırmaq, onları düzgün yönləndirmək və vərdişlər qazandırmaq istiqamətində mühüm rolu olan belə təlimlərin mütəmadi keçirilməsinin vacibliyini vurğulayıb.

Sonra Mətbuat Şurasının Onlayn media məsələləri üzrə nümayəndəsi Ellada Mustafayeva təqdimatla çıxış edib.

Təqdimatda elektron informasiya təhlükəsizliyi, konfidensial və fərdi məlumatların mühafizəsi üsulları, virtual mühitdə informasiya üçün təhlükə yaradan daxili və xarici faktorlar, kitabxanalarda konfidensial məlumatlardan istifadə qaydaları, mühafizə tədbirləri və digər məsələlərdən bəhs olunub. Bildirilib ki, cəmiyyətin həyatında informasiyanın, informasiya resurslarının və texnologiyalarının rolunun artması informasiya təhlükəsizliyi məsələlərini ön plana çıxarır.

Cəmiyyəti mühüm məlumat və biliklərlə təmin edən informasiya eyni zamanda cəmiyyətə müəyyən zərərlər də vura bilər. Ona görə də, informasiyanın cəmiyyətdə rolunu müsbət istiqamətdə nizmlamaq üçün informasiyanın özünün qorunması və neqativ informasiyanın yayılmasının qarşısının alınması vacib faktordur.

Təqdimatda həmçinin internet məzmun təhlükəsizliyi məsələlərinə də toxunulub.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə