Əlillik verilməsi üzrə sənəd qəbulu elektron formada olacaq
Yaxın vaxtlarda Əmək və Əhalinin Sosial Müdafiəsi Nazirliyi əlilliyin müəyyən edilməsi üçün sənədləri elektron formada qəbul edəcək. Nazirlik 11 növ elektron xidmət göstərməyi planlaşdırır.
Mayın 1-də müvafiq strukturların rəhbər şəxslərinin iştirakı ilə nazirlikdə əhaliyə göstəriləcək elektron xidmətlərdən biri olan “Əlilliyin müəyyən edilməsi, tibbi-sosial reabilitasiyanın həyata keçirilməsi, protez-ortopedik məmulatların və reabilitasiya vasitələrinin təminatı üçün müraciətin və sənədlərin qəbulu” e-xidmətinin ilkin versiyasının təqdimatı olub. Qeyd olunub ki, bu elektron xidmətin tətbiqi vətəndaşlarla tibbi-sosial ekspert komissiyalarının əməkdaşları arasında birbaşa ünsiyyətin minimuma endirilməsi və əlillik qruplarının təyinatı ilə bağlı qərar qəbul etmə prosesində subyektiv amillərin aradan qaldırılmasında mühüm rol oynayacaq. Azərbaycanda əlillik verilən zaman rüşvətxorluq halları dəfələrlə aşkarlanıb. (Turan)
