Facebook-un yeni qaydaları- Məlumatları belə qoruyacaq

23-03-2018 / 13:27

Facebook Cambridge Analytica skandalından sonra platformada istifadəçi məlumatlarının əldə edilməsini məhdudlaşdırdığını açıqladı.

Xeberler.az xarici mediaya istinadən məlumat verir ki, artıq tətbiq rəhbərləri Facebook-da istifadəçilərin daha az məlumatlarını əldə edə biləcək.

Belə ki, onlar istifadəçilər haqda daha çox məlumatı almaq üçün sosial şəbəkə rəhbərliyinin təsdiqini almalıdır.

Bundan sonra yeni bir tətbiq və ya veb xidmət üçün qeydiyyatdan keçərkən “Facebook-la qeydiyyatdan keç” düyməsinə basanda istifadəçinin yalnız adı, profil şəkli və e-poçt ünvanı şirkətlərə təqdim ediləcək.

Tətbiqdə istifadəçi haqda daha çox məlumat lazım olanda Facebook-dan icazə alınacaq.

Həmçinin, Facebook 3 ay istifadə olunmayan tətbiqlərin istifadəçi məlumatlarını əldə etməsini əngəlləyəcək.

Qeyd edək ki, bu dəyişikliklər skandaldan sonra səssiz qalmaqda ittiham olunan Mark Zuckerberg tərəfindən Facebook-da paylaşılıb.

Bəyanatda Facebook-un gələcəkdə platdormada məlumatların istifadəsi ilə bağlı yeni təlimatların da olacağı vurğulanıb.

Məlumata görə, şirkət ötən aylarda istifadəçi məlumatlarına çata bilən bütün tətbiqləri tək-tək araşdıracaq. Və bu məlumatların mənfi məqsədlər üçün istifadə edildiyini aşkar etdiyi zaman istifadəçiləri dərhal məlumatlandıracaq.

Facebook məlumat təhlükəsizliyi üçün yeni tədbirlər və prosedurlara yaxın həftələrdə başlayacağını elan edib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.