Facebook və Instagram dizaynını dəyişir

16-08-2017 / 14:12

Instagram iOS və Android üçün yenilənməsini təqdim edib.

Xeberler.az-ın məlumatına görə, əsas yenilik şərhlərin göstərilməsi ilə bağlıdır.
Belə ki, artıq kimsə şərhə cavab yazdıqda həmin cavab tam siyahıya deyil, həmin mesaja bərkidilir.

Bütün yeni cavablar qruplaşdırılacaq və onlara ayrı formada baxmaq mümkün olacaq.

Facebook da şərhlər bölümündə yenilik edilib.

Belə ki, indi nəşrlərə yazılmış şərhlər daha çox müzakirəni xatırladır və şərhlərdən hansının başqa istifadəçilərin fikirlərinə cavab olduğu, hansının isə posta aid olduğunu başa düşmək asandır.

Xəbər lentinin başlığı tamamilə göy rəngə boyadılıb. Şirkətin nümayəndələrinin fikrincə belə fonda mətn daha yaxşı oxunur. Yuxarı hissədə yerləşdirilmiş ikonkaların ölçüləri böyüdülüb və onların üzərinə klik etmək asanlaşıb.

Qeyd edək ki, yeni xəbər barədə məlumat verən ikonka indi zınqırova oxşayır və post dərc etmiş istifadəçilərin fotosu dairəvi formadadır. "Bəyən", "Şərh", "Paylaşmaq" ikonkaları, həmçinin dəyişikliyə məruz qalıb. Sosial şəbəkə üzrə naviqasiya sadələşdirilib.

Göründüyü kimi, Facebook-un dizaynı Instagram-ı xatırladır. Yeniliyin gələn həftədən istifadəçilərə təqdim ediləcəyi gözlənilir.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.