“Facebook”da polisi təhqir edən sürücü həbs edildi

06-10-2010 / 17:18

Fransanın Brest şəhər məhkəməsi bu gün maraqlı bir hökm verib.

Məhkəmə “Facebook” sosial şəbəkəsində polisi təhqir edən sürücünü 1200 avro cərimə edib və 3 ay həbslə cəzalandırıb.

Hadisə isə belə baş verib: bir neçə ay əvvəl alkoqol müayinəsi zamanı polis onun sürücülük vəsiqəsini alıb və avtomobili cərimə meydançasına qoyub. Bundan əsəbiləşən sürücü polisdən qisas almaq qərarına gəlir. O, “Facebook”dakı səhifəsinə polislərə qarşı təhqir dolu materiallar yerləşdirib, onların ünvanına söyüşlər göndərib. Bu söyüşlərdən sıravi polislərlə yanaşı yüksək rütbəli zabitlər də “payını alıb”. Məhkəmə isə bu vəziyyəti “hədə-qorxu gəlmə” maddəsi ilə tövsif edib.

Qeyd edək ki, Avropa ölkələrində sürücülərə tez-tez maraqlı cəzalar kəsilir. Məsələn, ötən il Cenevrə məhkəməsi bir nəfəri 9 ay sürücülük hüququndan məhrum etmiş, 1 il ərzində isə spirtli içki qəbul etməyi qadağan etmişdi. Vətəndaş isə içmədiyini sübut etmək üçün ayda 2 dəfə öz hesabına tibbi müayinədən keçərək nəticələri polisə təqdim etməli idi


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.