SOSİAL MEDIA

Dünəndən sosial mediada Braziliyada WhatsApp-dan istifadənin 48 saat müddətində əngəlləndiyi müzakirə edilir.

Xeberler.az-ın məlumatına görə, San-Paulu şəhər məhkəməsi bütün ölkə üzrə mobil rabitə operatorlarının üzərinə məşhur mobil messencerə çıxışı bağlamaq öhdəliyi qoyan qərar qəbul edib.

Nəticədə Messencer-in əngəllənməsinə dair qərar cinayət istintaqı zamanı qəbul olunub.

Məhkəmə qeyd edib ki, WhatsApp şirkəti cinayət istintaqı üzrə əməkdaşlığa dair bir neçə dəfə sorğu alıb, lakin onların heç birinə əməl etməyib.

Facebook-un direktoru ( CEO) Mark Zuckerberg Braziliyada  WhatsApp qadağan edilməsinə etirazını bildirib.

Şəxsi Facebook səhifəsindən paylaşım edən Mark  bu qadağanın aradan qaldırılması  üçün əllərindən gələn dəstəyi göstərəcəklərini deyib.

Facebook  direktoru Messenger -in  hazırda bu  ölkədə aktiv olduğunu və insanların bundan rahat istifadə edə bildiklərini vurğulayıb.

O, Braziliyanın  bu qərarı ilə bağlı təəssüf  hissi keçirdiyini bildirib:

“ Bu, Braziliya üçün heç də yaxşı olmadı. Braziliya həmişə internet məsələsində açıq ölkə olub və  internet istifadəçilərinə, onların azadlıqlarına  görə fərqlənib.  Mən heyrətlənirəm ki, hazırki dövrdə San-Paulu şəhər məhkəməsi necə belə qərar  verib?”.

O, braziliyalıları hüquqlarını qorumaq üçün bu qadağanın aradan qaldırılmasına səy göstərməyə, bu istəklərini hökumətə bildirmələrinə səsləyib.

Məltəm Talıbzadə