GoldenPay şirkəti 9 yaşını qeyd edir

13-07-2016 / 12:02

Bu gün Azərbaycanın onlayn ödəmələr bazarının lideri olan GoldenPay ASC-nin yaranmasından 9 il keçir.

Xeberler.az-ın məlumatına görə, ilk başda startap şəklində qurulmuş GoldenPay  bu gün 20-dən artıq dövlət qurumunun, 500-dən çox hüquqi və fiziki şəxsin internet üzərindən ödənişlərinin təminatçısına çevrilib. Şirkət biznes sektoru üçün ödəmə sistemlərinin qurulması və pərakəndə sektor üçün Hesab.az portalı vasitəsilə ödənişlərin aparılması sahəsində hər il daha da uğurlu nəticələr göstərir.

GoldenPay  bank kartları vasitəsilə ayda 11 milyon AZN həcmində 600 mindən çox əməliyyat həyata keçirilir ki, bu da elektron ödənişlər bazarının 70%-ni təşkil edir. Bu sahədə ölkədaxilində yüksək nəticələr əldə edən GoldenPay artıq Bosniya və Herzoqovina kimi ölkələrdə də öz fəaliyyətinə başlamışdır. Şirkətin xarici ölkələrdə fəaliyyətə başlamasından sonra isə yaxın gələcəkdə İPO (səhmlərin ilkin buraxılışı) nəzərdə tutulub.

Şirkətin ən uğurlu brendi olan Hesab.az portalının qeydiyyatdan keçmiş istifadəçilərinin sayı artıq 230 mini keçib və bu rəqəm daima artmaqdadır.  Bildiyiniz kimi Hesab.az  istifadəçilərinə kommunal, TV, internet, mobil, ev telefonu, əyləncə, bank krediti və digər ödənişləri rahat şəkildə, vaxta qənaət edərək ödəmək imkanı verir.  

GoldenPay məlumatların şifrələnməsi üzrə dünyanın ən məhşur şirkətlərindən biri olan Geotrust-la çalışır. Həmçinin kart məlumatlarının qorunması üçün PCİ DSS sertifikatından istifadə edilir. Əlavə olaraq bir neçə təhlükəsilik funksiyası ilə GoldenPay istifadəçilərinin etibarını qazanıb.

Bu gün əldə etdilən bütün naliyyətləri istifadəçilərimizə borcluyuq. Və gələcəkdə görüləcək bütün işlər onların etimadını doğruldub, yeni xidmətlərlə vaxtlarına daha çox dəyər qatmaqdır. 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə