TƏDBİRLƏR

 Azərbaycanın ən böyük onlayn ödəmələr şirkəti olan GoldenPay/Hesab.az, "ASAN Könüllüləri" Təşkilatı ilə birgə Dünya Azərbaycanlılarının Həmrəylik Günü və Yeni İl bayramı münasibətilə sosial məsuliyyət sahəsində əməkdaşlıq etdi. Bu əməkdaşlıq çərçivəsində Astaranın Sım kəndindəki 86 uşağa təbəssüm bəxş edildi.

www.asanmektub.az saytına daxil olan 86 məktub, GoldenPay/Hesab.az tərəfindən öhdəliyə götürülərək hər bir uşaq üçün hədiyyələr təqdim edildi. Bu tədbir, GoldenPay/Hesab.az və ASAN könüllülərinin birgə fəaliyyəti ilə kəndin balaca sakinlərinin sevinc dolu bir bayram keçirməsinə səbəb oldu.

Hədiyyələrinə qovuşan uşaqların sevinci, onların gözlərindəki parlaqlıq və ürəklərindəki şükran hissləri ilə ifadə olundu. Bu təşkilatlar arasındakı əməkdaşlıq, sosial proqramların tətbiqinə daha da güclü bir təkan verir və cəmiyyətimizdə məsuliyyət sahəsində daha böyük nailiyyətlər əldə edilməsinə töhfə verir.

Ölkənin ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

Fəaliyyətə başladığı ilk gündən şirkətin başlıca məqsədi insanların ödəmə vərdişlərini dəyişdirərək vaxta qənaət etmələrinə kömək etməkdir. Bu səbəbdən də 2011-ci ilin aprel ayında şirkət Hesab.az onlayn ödəmə portalını yaratdı. Platforma vasitəsilə kommunal, stasionar və mobil rabitə, internet, bank və mağaza kreditləri, parkinq ödənişləri etmək, onlayn sığorta alışı, kinoteatr biletləri və s. əldə etmək mümkündür.

GoldenPay/Hesab.az şirkətinin fəaliyyəti haqqında daha ətraflı məlumatı www.hesab.az saytından, *0713 Çağrı Mərkəzindən və ya platformanın Facebook, İnstagram səhifələrindən əldə etmək olar.