Gürcüstan hökuməti informasiya texnologiyaları sahəsində fəaliyyət göstərən şirkətlər üçün ölkəni vergidən azad zonaya çevirməyi planlaşdırır.
Belə ki, hökumətin hazırladığı qanun layihəsinə əsasən, informasiya texnologiyaları, sistem və xüsusi proqram təminatı istehsalçıları üçün Gürcüstanın bütün ərazisi vergidən azad zona olacaq.
www.civil.ge-nin məlumatına görə, bu barədə Gürcüstanın baş naziri Nika Gilauri bildirib.
Bu addımın məqsədi informasiya texnologiyaların gələcək inkişafı və Gürcüstanı İT-texnologiyalar mərkəzinə çevirməkdir. Vergi güzəştləri xarici şirkətlərə də şamil olunacaq ki, onlar ölkə ərazisində öz nümayəndəliklərini açsınlar.
Qeyd edək ki, analoji rejim artıq Gürcüstanda azad sənaye zonalarında öz istehsalatlarını təşkil etmiş ixracatçı-müəssisələr üçün mövcuddur. Bu zonalardan birincisi Poti şəhərində, ikincisi isə Kutaisidə yaradılıb. Gələcəkdə daha bir azad zona Rustavi şəhərində təşkil oluna bilər
