E-TİCARƏT

Goldenpay/ Hesab.az hər zaman gənclərin təhsili və şəxsi inkişafı ilə bağlı sosial yönümlü tədbirlərdə yaxından iştirak etməyə səy göstərmiş və həmin tədbir, layihələrə öz dəstəyini əsirgəməmişdir. Şirkət olaraq iştirak etməkdə əsas məqsəd gələcək nəsillərin daha yaxşı inkişaf etməsinə və ölkəmizin iqtisadi, siyasi, mədəni həyatına səmərəli təsir edə bilmələrinə zəmin yaratmaqdır. Goldenpay/ Hesab.az onlayn ödəniş portalı tələbələr üçün növbəti seminarlarını Dekabr ayında həyata keçirib.

Xüsusən indiki Pandemiya şəraitində onlayn təlimlər gənclərin inkişafına müsbət təsir göstərir. Bu səbəblə, GoldenPay şirkətinin əməkdaşlarının iştirakı ilə 14-25 Dekabr tarixləri aralığında “ASAN Könüllülük” Məktəbi - ASAN könüllüləri, ADA universiteti, SABAH qrupu tələbələri üçün silsiləvi onlayn təlimlər həyata keçirildi.

“GoldenPay” şirkətinin İdarə Heyətinin üzvü, Məhsulların İnkişafı və Marketinq üzrə baş direktoru Tuğba Uçar, Layihə rəhbəri Fəxri Hüseynov və İT, Marketing şöbələrindən digər əməkdaşların iştirakı ilə təlimlər azərbaycan və ingilis dillərində tədqim edildi.

Təlimlərdə “GoldenPay” şirkətinin əməkdaşları “Məhsulların İnkişafı və Marketinqin kommunikasiya sistemi”, “Layihələrin idarə edilməsi”, “İnformasiya təhlükəsizliyi”,
“İdeyanın məhsula çevrilməsi”,“Biznes Analitika” mövzuları üzrə çıxış ediblər. Təlimlərdə tələbələr yüksək aktivliklə iştirak etdilər, təlimçilərə öz sual və mövzularla bağlı fikirlərini bildirdilər. Gənclərin suallarını cavablandıran Hesab.az əməkdaşları, onlara gələcək karyeraları ilə bağlı dəyərli məsləhətlər də veriblər.