TELEKOMMUNİKASİYA

Bakıda keçirilən Ümumdünya Telekommunikasiyanın İnkişafı Konfransı (WTDC-25) çərçivəsində İnformasiya Kommunikasiya Texnologiyaları Agentliyinin (İKTA) nümayəndələri Braziliyanın Milli Telekommunikasiya Agentliyinin (ANATEL) nümayəndələri ilə görüş keçirib.

Xeberler.az bildirir ki, görüşdə İKTA-nın İdarə Heyətinin sədri Nail Mərdanov Agentliyin fəaliyyəti barədə məlumat verib və ANATEL-in telekommunikasiya sahəsində tənzimləmə üzrə təcrübəsinin Azərbaycan üçün xüsusi maraq kəsb etdiyini bildirib. O, iki qurum arasında əməkdaşlığın genişləndirilməsi üçün geniş imkanların mövcud olduğunu vurğulayıb:

ANATEL prezidenti Karlos Beyqorri (Carlos Baigorri) çıxışında İKTA-nın COP29 çərçivəsində əldə etdiyi təcrübənin onlar üçün böyük maraq doğurduğunu bildirib. O qeyd edib ki, bu ilin 10–21 noyabr tarixlərində Braziliyanın Belem şəhərində keçirilən COP30 tədbirləri üçün bir sıra ölkələrin, xüsusən də Azərbaycanın tənzimləyici qurumu olan İKTA-nın təcrübəsi öyrənilib.

“Azərbaycanın COP29 çərçivəsində radiospektrin idarə olunması üzrə tətbiq etdiyi rəqəmsal həllər bizim üçün xüsusi maraq doğurur. İKTA-nın yaratdığı portal beynəlxalq səviyyədə nümunəvi bir modeldir və COP30 üçün hazırlıqlar zamanı bu təcrübəni öyrənməkdə böyük fayda gördük” - deyə Karlos Beyqorri əlavə edib.

Azərbaycan tərəfi Braziliyanın yeni texnologiyaların tənzimlənməsi sahəsində təcrübəsini izlədiyini, sosial şəbəkələrin, internet trafikinin tənzimlənməsi sahəzində Braziliya ilə təcrübə mübadiləsini əhəmiyyətini qeyd ediblər. 

ANATEL tərəfindən İKTA-nın nümayəndələri Braziliyaya sıx əməkdaşlıq və təcrübə mübadiləsi məqsədilə dəvət edilib.

Görüş zamanı qərara alınıb ki, tərəflər arasında təcrübə mübadiləsinin intensivləşdirilməsi üçün mütəmadi görüşlər keçirilsin.