İslam Əməkdaşlıq Təşkilatı nəzdində Kibertəhlükəsizlik üzrə Nazirlər Şurası yaradılıb. Bununla bağlı qərar İƏT XİN başçıları şurasının Bağdadda keçirilən iclasında qəbul edilib.
Xeberler.az məlumat verir ki, yeni qurumun qərargahı Səudiyyə Ərəbistanının Ər-Riyad şəhərində yerləşəcək və əsas hədəfi üzv dövlətlərin Kibertəhlükəsizliyini gücləndirmək, milli təhlükəsizliyi və strateji maraqları qorumaq, eləcə də beynəlxalq əməkdaşlığı genişləndirmək olacaq.
Kibertəhlükəsizlik üzrə Nazirlər Şurası İƏT strukturuna daxil olan ayrıca qurum kimi fəaliyyət göstərəcək. Şuranın yaradılması Səudiyyə Ərəbistanının təşəbbüsü əsasında həyata keçirilib.
Qəbul edilmiş qərara əsasən, Kibertəhlükəsizlik üzrə Nazirlər Şurası təşkilata üzv dövlətlər üçün bu sahədə bütün məsələlər üzrə əsas koordinasiya platforması olacaq. Qurumun fəaliyyətinin əsas istiqamətləri milli kibertəhlükəsizlik imkanlarının gücləndirilməsi, həyati əhəmiyyətli maraqların qorunması və dövlətlər arasında birgə fəaliyyətin genişləndirilməsidir.
Şuranın tərkibinə İslam Əməkdaşlıq Təşkilatına üzv ölkələrdə kibertəhlükəsizlik sahəsinə cavabdeh olan müvafiq dövlət qurumları daxil olacaq.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları