“İnformasiya cəmiyyətinin Jurnalisti” layihəsinin yekunlarına həsr olunacaq tədbirin vaxtı bəlli oldu

12-02-2009 / 13:51

Azərbaycan İnternet Forumundan verilən məlumata görə, fevralın 19-da “İnformasiya Cəmiyyətinin Jurnalisti” layihəsinin yekunlarına həsr olunan tədbir keçiriləcək.

Tədbirdə layihə çərçivəsində “İnformasiya  Cəmiyyətinin ən yaxşi KIV-i”  və “İnformasiya  Cəmiyyətinin ən yaxşı jurnalisti” nominasiyaları üzrə keçirilən müsabiqənin nəticələri açıqlanacaq. Qaliblərə qiymətli hədiyyələr və diplomlar təqdim olunacaq.

Həmçinin “İnformasiya Cəmiyyətinin Jurnalisti”  layihəsi çərçivəsində keçirilən treninqlərdə iştirak etmiş 30-a qədər  jurnalistə sertifikat təqdim olunacaq.

Qeyd edək ki, ötən ildən  başlayaraq  hər il  keçirilən bu Müsabiqənin məqsədi ölkədə informasiya cəmiyyəti quruculuğuna dəstək vermək, bu ideyanı daha da populyarlaşdırmaq, İKT-dən cəmiyyətin bütün sahələrində istifadə edilməsinin üstünlüklərini geniş kütlələrə çatdırmaqdan ibarətdir.
Layihə RİTN, Azərbaycan İnternet Forumu,  HP və ULTRA  şirkətlərinin birgə iştirakı ilə gerçəkləşdirilir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.